- Qurmetti ata-analar! Meniń úlken bir ótinishim bar. Bizdegi keıbir muǵalimder "Bizge syılyqtyń qajeti joq" degen chelendjdi bastaǵan. Rasynda bizge syılyqtyń qajeti joq, oǵan muqtaj emespiz. Ásirese, ol syılyqty basqa belsendi ata-analar qysastap, jasatyp jatsa. Bizdiń merekeniń shyrqyn bulaı buzbańyzdar..., - dep jazdy Dinıslam Bolathanuly.
Buǵan deıin muǵalimder kúni qarsańynda Pavlodar oblysynda "Bizge syılyqtyń qajeti joq" (# ustazdarsyylygalmaıdy) degen vıdeorolık taraı bastaǵan.
Qalalyq jáne aýdandyq mektepterdiń muǵalimderi kez-kelgen sıpattaǵy materıaldyq syı-syıapatty qabyl almaıtyndaryn, olar úshin naǵyz syılyq oqýshylardyń jetistikteri men jaqsy kórsetkishteri ekenin aıtyp, beınerolık jazyp, taratqan.