ەلىمىزدە مۇعالىمدەر مەرەكەسى تاياپ كەلەدى. وسىعان بايلانىستى پاۆلودار وبلىستىق ءبىلىم باسقارماسىنىڭ باسشىسى ءدىنيسلام بولاتحان ۇلى Facebook-تەگى پاراقشاسىندا جازبا جاريالاپ، اتا-انالاردان مۇعالىمدەرگە سىيلىق جاساماۋدى سۇرادى، دەپ حابارلايدى Dalanews.kz.

- قۇرمەتتى اتا-انالار! مەنىڭ ۇلكەن ءبىر ءوتىنىشىم بار. بىزدەگى كەيبىر مۇعالىمدەر "بىزگە سىيلىقتىڭ قاجەتى جوق" دەگەن چەلەندجدى باستاعان. راسىندا بىزگە سىيلىقتىڭ قاجەتى جوق، وعان مۇقتاج ەمەسپىز. اسىرەسە، ول سىيلىقتى باسقا بەلسەندى اتا-انالار قىساستاپ، جاساتىپ جاتسا. ءبىزدىڭ مەرەكەنىڭ شىرقىن بۇلاي بۇزباڭىزدار...، - دەپ جازدى ءدىنيسلام بولاتحان ۇلى.

بۇعان دەيىن مۇعالىمدەر كۇنى قارساڭىندا پاۆلودار وبلىسىندا "بىزگە سىيلىقتىڭ قاجەتى جوق" (# ustazdarsyylygalmaıdy) دەگەن ۆيدەوروليك تاراي باستاعان.

قالالىق جانە اۋداندىق مەكتەپتەردىڭ مۇعالىمدەرى كەز-كەلگەن سيپاتتاعى ماتەريالدىق سىي-سىياپاتتى قابىل المايتىندارىن، ولار ءۇشىن ناعىز سىيلىق وقۋشىلاردىڭ جەتىستىكتەرى مەن جاقسى كورسەتكىشتەرى ەكەنىن ايتىپ، بەينەروليك جازىپ، تاراتقان.