Pavlodardyń áleýmettik mekemesinde múgedektigi bar balalardy uryp-soqqan, - dep habarlaidy Dalanews.kz.
Pavlodar oblysynda «Baqytty jáne qaýipsiz balalyq shaq» jobasyn iske asyrý jalǵasýda, onyń aiasynda qadaǵalaý organy zorlyq-zombylyq jáne basqa da quqyqqa qaishy áreketterdiń qaýpi bar «táýekel aimaǵyndaǵy» balalardy anyqtaý boiynsha jumys júrgizýde.
Oblys prokýratýrasy arnaýly áleýmettik qyzmetter kórsetetin uiymdarda turatyn kámeletke tolmaǵandardyń, sondai-aq jetim balalar men ata-anasynyń qamqorlyǵynsyz qalǵan balalardyń qaýipsizdigin qamtamasyz etý máseleleri boiynsha tekserý júrgizýde.
Jumyspen qamtýdy úilestirý jáne áleýmettik baǵdarlamalar basqarmasynyń «Arnaýly áleýmettik qyzmetter kórsetýdiń oblystyq psihonevrologiialyq balalar ortalyǵy» KMM-niń beinebaqylaý kameralaryn qaraý kezinde tárbieshi tarapynan kámeletke tolmaǵandardy uryp-soǵýdyń birneshe faktileri anyqtaldy.
Bul densaýlyq jaǵdaiy boiynsha dármensiz jáne psihonevrologiialyq patologiiasy bar únemi kútimdi qajet etetin balalar.
Kámeletke tolmaǵandardy qinaý belgileri boiynsha Ortalyqtyń qyzmetkerlerine qatysty QR Qylmystyq kodeksiniń 110-baby boiynsha sotqa deiingi tergep-tekserý bastalyp, ol Politsiia departamentine tapsyryldy.
Ózge aqparat tergeý múddesinde QR Qylmystyq-protsestik kodeksiniń 201-babyna sáikes jariia etilmeidi.
