پاۆلوداردىڭ الەۋمەتتىك مەكەمەسىندە مۇگەدەكتىگى بار بالالاردى ۇرىپ-سوققان، - دەپ حابارلايدى Dalanews.kz.

پاۆلودار وبلىسىندا «باقىتتى جانە ءقاۋىپسىز بالالىق شاق» جوباسىن ىسكە اسىرۋ جالعاسۋدا، ونىڭ اياسىندا قاداعالاۋ ورگانى زورلىق-زومبىلىق جانە باسقا دا قۇقىققا قايشى ارەكەتتەردىڭ ءقاۋپى بار «تاۋەكەل ايماعىنداعى» بالالاردى انىقتاۋ بويىنشا جۇمىس جۇرگىزۋدە.

وبلىس پروكۋراتۋراسى ارناۋلى الەۋمەتتىك قىزمەتتەر كورسەتەتىن ۇيىمداردا تۇراتىن كامەلەتكە تولماعانداردىڭ، سونداي-اق جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا تەكسەرۋ جۇرگىزۋدە.

جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ «ارناۋلى الەۋمەتتىك قىزمەتتەر كورسەتۋدىڭ وبلىستىق پسيحونيەۆرولوگيالىق بالالار ورتالىعى» كمم-نىڭ بەينەباقىلاۋ كامەرالارىن قاراۋ كەزىندە تاربيەشى تاراپىنان كامەلەتكە تولماعانداردى ۇرىپ-سوعۋدىڭ بىرنەشە فاكتىلەرى انىقتالدى.

بۇل دەنساۋلىق جاعدايى بويىنشا دارمەنسىز جانە پسيحونيەۆرولوگيالىق پاتولوگياسى بار ۇنەمى كۇتىمدى قاجەت ەتەتىن بالالار.

كامەلەتكە تولماعانداردى قيناۋ بەلگىلەرى بويىنشا ورتالىقتىڭ قىزمەتكەرلەرىنە قاتىستى ق ر قىلمىستىق كودەكسىنىڭ 110-بابى بويىنشا سوتقا دەيىنگى تەرگەپ-تەكسەرۋ باستالىپ، ول پوليسيا دەپارتامەنتىنە تاپسىرىلدى.

وزگە اقپارات تەرگەۋ مۇددەسىندە ق ر قىلمىستىق-پروسەستىك كودەكسىنىڭ 201-بابىنا سايكەس جاريا ەتىلمەيدى.