Alaida, tiisti oryndar Sharbaqty aýdany men Lenin kentiniń janynan tabylǵan qasqyrlardy atýǵa resmi ruqsat bergen.
Mamandardyń aitýynsha oblys aýmaǵynda 212 qasqyr bar. Inspektsiia kún saiyn jyrtqysh ańdardyń esebin júrgizedi.
– Monitoring nátijesinde qasqyrlardyń adam nemese tórt túlik malǵa shapqanyn anyqtaǵan joq, – deidi inspektsiia basshysynyń mindetin atqarýshy Nurjan Qaztai – 18 qańtar Aqsý qalasynyń mańynda qasqyr júrgeni týraly habar túsken soń ańshylarǵa habarlasyp, jergilikti politseilermen «EEK» AQ stantsiiasyna barýdy suraǵan edik. Ańshylar stantsiiaǵa jetkende ańnyń turǵyn-úi janynan tabylǵanyn baiqap, atyp tastaǵan.
21 qańtarda kókjaldar Sharbaqty aýdanyndaǵy sharýanyń malyna shapqany týraly aqparat túsken. Alaida, qoidy qasqyr shapqanyn eshkim dáleldemegen.
– Bizdiń mamandar, politseiler men veterinarlar oqiǵa ornyna bardy, – deidi Nurjan Qaztai. – Komissiia maldyń óltirilgenin rastasa da, bul naqty qasqyrlardyń áreketi nemese itterdiń jasaǵany ma, anyqtai almady.
23 qańtar kúni inspektsiiaǵa Leninskii poselkisiniń ákimi apparatynan hat kelip túsken. Hatta elevator mańyndaǵy temirjol arasynda 2 qasqyrdyń júrgeni habarlandy. Inspektsiia Leninskii aýyldyq okrýgi aýmaǵynda qasqyr sanyn retteýge ańysharǵa arnaiy ruqsat bergen.
