Pavlodar oblysynda júk kóligi trotýarda kele jatqan balaly áieldi qaǵyp ketken, dep habarlaidy dalanews.kz.
Oqiǵa 24 mamyrda Ekibastuz qalasynda bolǵan. GAZel kóliginiń júrgizýshisi artqa qarai qozǵalyp kele jatyp, trotýarda bala kóterip turǵan áieldi qaǵyp ketken.
Saldarynan áiel túrli dene jaraqatyn alǵan. Ol aýyr jaraqattarmen jansaqtaý bólimine jetkizilgen. Dárigerler onyń jaǵdaiy qalpyna kelgennen keiin travmatologiia bólimine aýystyrǵan.
Pavlodar oblystyq densaýlyq saqtaý basqarmasy málimetinshe, qazir naýqastyń jaǵdaiy turaqty. Oǵan meditsinalyq kómek kórsetilip jatyr.
Politsiia kólik aiyp turaǵyna qoiylǵanyn habarlady. Bul jaitqa qatysty qylmystyq is qozǵalǵan.
