Pavlodar oblysynyń turǵyny 36 myń teńgege bola áieliniń denesin bólshektep tastaǵan
15 qańtarda Pavlodar oblysy qylmystyq ister jónindegi mamandandyrylǵan aýdanaralyq soty adam óltirý deregi boiynsha qylmystyq isti qarady.
2022 jylǵy 31 qazanda Tereńkól aýylyndaǵy páterde S. men onyń azamattyq áieli O.-nyń arasynda janjal bastalǵan. Oǵan kómir satyp alýǵa tastaǵan 36000 teńge sebep bolǵan.
Janjal barysynda O. mas bolyp, S.-ny tabamen urmaq bolady. Jaýap retinde S. óltirý maqsatynda O.-nyń keýde tusyn jáne denesiniń basqa bólikterin birneshe urady. Osylaisha, jábirlenýshi sol jerde qaitys bolǵan.
Kelesi kúni S. jasalǵan qylmysty jasyrý maqsatynda O.-nyń denesin bólshektep, keiin qaptarǵa salyp Ertis ózenine laqtyryp jibergen. Jasalǵan is-áreket úshin zańda 8 jyldan 15 jylǵa deiin bas bostandyǵynan aiyrý jazasy kózdelgen.
Istiń mán-jaiyn jáne sottalǵan adamnyń jeke basyn eskere otyryp, oǵan 11 jyl bas bostandyǵynan aiyrý jazasy taǵaiyndaldy. Úkim zańdy kúshine engen joq.
