15 قاڭتاردا پاۆلودار وبلىسى قىلمىستىق ىستەر جونىندەگى مامانداندىرىلعان اۋدانارالىق سوتى ادام ءولتىرۋ دەرەگى بويىنشا قىلمىستىق ءىستى قارادى.
2022 جىلعى 31 قازاندا تەرەڭكول اۋىلىنداعى پاتەردە س. مەن ونىڭ ازاماتتىق ايەلى و.-نىڭ اراسىندا جانجال باستالعان. وعان كومىر ساتىپ الۋعا تاستاعان 36000 تەڭگە سەبەپ بولعان.
جانجال بارىسىندا و. ماس بولىپ، س.-نى تابامەن ۇرماق بولادى. جاۋاپ رەتىندە س. ءولتىرۋ ماقساتىندا و.-نىڭ كەۋدە تۇسىن جانە دەنەسىنىڭ باسقا بولىكتەرىن بىرنەشە ۇرادى. وسىلايشا، جابىرلەنۋشى سول جەردە قايتىس بولعان.
كەلەسى كۇنى س. جاسالعان قىلمىستى جاسىرۋ ماقساتىندا و.-نىڭ دەنەسىن بولشەكتەپ، كەيىن قاپتارعا سالىپ ەرتىس وزەنىنە لاقتىرىپ جىبەرگەن. جاسالعان ىس-ارەكەت ءۇشىن زاڭدا 8 جىلدان 15 جىلعا دەيىن باس بوستاندىعىنان ايىرۋ جازاسى كوزدەلگەن.
ءىستىڭ ءمان-جايىن جانە سوتتالعان ادامنىڭ جەكە باسىن ەسكەرە وتىرىپ، وعان 11 جىل باس بوستاندىعىنان ايىرۋ جازاسى تاعايىندالدى. ۇكىم زاڭدى كۇشىنە ەنگەن جوق.
