Pavlodar oblysynda 19 maýsymda soqqan dúlei daýyldyń saldarynan taǵy bir turǵyn qaitys boldy,- dep habarlaidy Dalanews.kz
Belgili bolǵandai, Ekibastuz qalasyndaǵy jeke úilerdiń birinde turatyn 76 jastaǵy áieldiń ústine aýlasyndaǵy aǵash qulaǵan. Zeinetker aýyr jaraqatpen birden aýrýhanaǵa jetkizilgen.
– 19 maýsymda jedel járdem qyzmeti 76 jastaǵy naýqasty Ekibastuz qalalyq aýrýhanasynyń qabyldaý bólimine jetkizdi. Áiel adamnyń aitýynsha, onyń ústine úi aýlasyndaǵy aǵash qulaǵan. Ol aýyr halde jansaqtaý bólimine jatqyzyldy, – dedi oblystyq Densaýlyq saqtaý basqarmasynyń baspasóz qyzmeti.
Dárigerler zeinetkerdiń ómiri úshin bir apta boiy kúreskenimen, ókinishke qarai, onyń ómirin saqtap qala almady. Aq halattylardyń aitýynsha, dene jaraqattarynan bólek, áiel adamnyń qant diabeti men júrek aýrýy da jaǵdaidy ýshyqtyra túsken.
Eske salaiyq, dál sol kúni Aqsý qalasynda aǵashtyń synyǵy kólikte otyrǵan áieldiń keýdesine qadalyp, ol oqiǵa ornynda kóz jumǵan bolatyn.
Jalpy, daýyl saldarynan sol kúni 16 adam dáriger kómegine júgingen, olardyń úsheýi – balalar. Búginde barlyǵy úilerine shyǵaryldy.
