Kópbalaly otbasylarǵa arnalǵan úidiń tusaýkeseri Astana, 58 mekenjaiy boiynsha ótkizildi. Qazaqstan halqynyń birligi kúni munda birden jańa 102 jaldamaly páter paidalanýǵa berildi.
Olardyń 70 kópbalaly otbasylarǵa úilestirildi. Baspanaly bolǵan januialardy Pavlodar oblysynyń ákimi Bolat Baqaýov quttyqtady.
- Halqymyzdyń birligi kúnimen shyn júrekten quttyqtaimyn, - dedi Bolat Baqaýov. - Baspanaǵa zárý adamdarǵa páter berý sheshimi, birinshi kezekte, balalar úshin, olardyń jaily jerde ósip-ónýi úshin qabyldandy. Mereke qutty bolsyn, jańa páterlerińiz shattyqqa tolsyn.
Kópbalaly otbasylardy qoldaý turǵyn úi qurylysymen shektelmeidi.
Jaqyn arada árbir otbasyn jumyspen qamtý, mektep pen balalar baqshalarymen qamtamasyz etý máselesi qarastyrylýda.
- Memleket bizge osyndai kómek bergenine úlken rahmet, - dep alǵysyn bildirdi kópbalaly ana Elena Hairýllina.
- Balalarymyzben birge keń úide turýǵa múmkindik aldyq.
Jańa úide qonys toiyn toilaǵandar ishinde tórt balaly Almagúl Bishimbaeva da bar. Kópbalaly ana osy sátti 11 jyl kútkenin aitady.
- Kópbalaly otbasylaryna járdem usynǵan Elbasyǵa alǵysymyz sheksiz, - deidi Almagúl Bishimbaeva. - Balalarymyzǵa páter qatty unady. Barlyq halyqty merekemen quttyqtap, zor densaýlyq pen baqyt tileimin!
Aita keteiik, búgin Ekibastuzda turatyn taǵy eki otbasy páter kiltterine ie bolsa, Aqtoǵai, Mai jáne Jelezin aýdandarynda tórt kópbalaly otbasy baspanaly boldy.
Derekkóz: pavlodarnews.kz
