كوپبالالى وتباسىلارعا ارنالعان ءۇيدىڭ تۇساۋكەسەرى استانا، 58 مەكەنجايى بويىنشا وتكىزىلدى. قازاقستان حالقىنىڭ بىرلىگى كۇنى مۇندا بىردەن جاڭا 102 جالدامالى پاتەر پايدالانۋعا بەرىلدى.
ولاردىڭ 70 كوپبالالى وتباسىلارعا ۇيلەستىرىلدى. باسپانالى بولعان جانۇيالاردى پاۆلودار وبلىسىنىڭ اكىمى بولات باقاۋوۆ قۇتتىقتادى.
- حالقىمىزدىڭ بىرلىگى كۇنىمەن شىن جۇرەكتەن قۇتتىقتايمىن، - دەدى بولات باقاۋوۆ. - باسپاناعا ءزارۋ ادامدارعا پاتەر بەرۋ شەشىمى، ءبىرىنشى كەزەكتە، بالالار ءۇشىن، ولاردىڭ جايلى جەردە ءوسىپ-ونۋى ءۇشىن قابىلداندى. مەرەكە قۇتتى بولسىن، جاڭا پاتەرلەرىڭىز شاتتىققا تولسىن.
كوپبالالى وتباسىلاردى قولداۋ تۇرعىن ءۇي قۇرىلىسىمەن شەكتەلمەيدى.
جاقىن ارادا ءاربىر وتباسىن جۇمىسپەن قامتۋ، مەكتەپ پەن بالالار باقشالارىمەن قامتاماسىز ەتۋ ماسەلەسى قاراستىرىلۋدا.
- مەملەكەت بىزگە وسىنداي كومەك بەرگەنىنە ۇلكەن راحمەت، - دەپ العىسىن ءبىلدىردى كوپبالالى انا ەلەنا حايرۋللينا.
- بالالارىمىزبەن بىرگە كەڭ ۇيدە تۇرۋعا مۇمكىندىك الدىق.
جاڭا ۇيدە قونىس تويىن تويلاعاندار ىشىندە ءتورت بالالى الماگۇل بيشىمبايەۆا دا بار. كوپبالالى انا وسى ءساتتى 11 جىل كۇتكەنىن ايتادى.
- كوپبالالى وتباسىلارىنا جاردەم ۇسىنعان ەلباسىعا العىسىمىز شەكسىز، - دەيدى الماگۇل بيشىمبايەۆا. - بالالارىمىزعا پاتەر قاتتى ۇنادى. بارلىق حالىقتى مەرەكەمەن قۇتتىقتاپ، زور دەنساۋلىق پەن باقىت تىلەيمىن!
ايتا كەتەيىك، بۇگىن ەكىباستۇزدا تۇراتىن تاعى ەكى وتباسى پاتەر كىلتتەرىنە يە بولسا، اقتوعاي، ماي جانە جەلەزين اۋداندارىندا ءتورت كوپبالالى وتباسى باسپانالى بولدى.
دەرەككوز: pavlodarnews.kz
