Telegram messendjeriniń negizin qalaýshy Pavel Dýrov Reseide platformanyń jumysy shektelgeni týraly aqparattan keiin alǵashqy málimdemesin jasady, dep habarlaidy Dalanews.kz.
Onyń aitýynsha, Resei biligi azamattardy memleket baqylaýyndaǵy, baqylaý men saiasi tsenzýraǵa arnalǵan qosymshaǵa kóshirý úshin Telegram-ǵa qoljetimdilikti shektep otyr.
«Resei Telegram-ǵa qoljetimdilikti shektep jatyr. Bul – azamattardy memleket baqylaýyndaǵy, ańdý men saiasi tsenzýraǵa arnalǵan qosymshaǵa kóshirý áreketi», – dedi Dýrov.
Ol segiz jyl buryn Iran da dál osyndai strategiiany qoldanýǵa tyrysqanyn eske saldy. Dýrovtyń sózinshe, ol áreket sátsiz aiaqtalǵan.
«Iran Telegram-dy oidan shyǵarylǵan sebeptermen buǵattap, adamdardy memlekettik balamaǵa kóshýge májbúrlemek boldy. Alaida bul strategiia nátije bermedi», – dedi ol.
Dýrovtyń málimetinshe, tyiymǵa qaramastan, irandyqtardyń basym bóligi áli kúnge deiin Telegram-dy paidalanyp keledi. Olar tsenzýrany ainalyp ótip, baqylaýǵa ushyraityn qosymshalardan góri osy platformany tańdaǵan.
«Azamattardyń erkindigin shekteý durys sheshim emes. Telegram qandai qysym bolsa da, sóz bostandyǵy men qupiialylyqty qoldaidy», – dep túiindedi Pavel Dýrov.
