Almaty turǵyny naǵashy atasynan muraǵa páter alǵan. Alaida boijetkenniń anasy bul sheshimge qarsy shyǵyp, ákesiniń psihikalyq jaǵdaiyn syltaý etken, dep habarlaidy Dalanews.kz.
Joǵarǵy sot múlik daýyna qatysty jańa is qarady. Is materialdaryna sáikes, Almaty turǵyny qaitys bolar aldynda jien nemere qyzynyń atyna notariýs arqyly ósiet jasap, páterin muraǵa qaldyrǵan. Degenmen atasynyń qyzy, iaǵni boijetkenniń anasy bul sheshimge kelispei, páterdi óz atyna jazýdy talap etken. Ol qyzyna qarsy aryzynda ákesiniń tiri kezinde ishimdikke táýeldi bolǵanyn, narkologiialyq dispanserde esepte turǵanyn, alkogolizm saldarynan áreketteriniń mánin túsinbegenin málimdegen.
Birinshi satydaǵy sot psihologiialyq saraptama qorytyndysyna súienip, mura qaldyrǵan er adamnyń shyn máninde psihologiialyq aýytqýy bar degen sheshim shyǵarǵan. Alaida apelliatsiialyq satydaǵy sot bul qorytyndyny zańsyz dep tanydy: qujatta er adamnyń Astanada turǵany kórsetilgen, al táýelsiz sarapshylar onyń tiri kezinde psihiatr men narkologtyń esepte turmaǵanyn dáleldedi. Osyǵan bailanysty sýdia alǵashqy qorytyndy jasaǵan psihiatrdyń litsenziiasyn joiyp, ony jaýapkershilikke tartý týraly sheshim qabyldady.
Sondai-aq naǵashy atasynan mura retinde páter alǵan boijetken 2014 jyldan beri atasymen birge turǵany rastalyp, páterdi ósiet boiynsha boijetkenniń atyna qaldyrý týraly úkim shyǵaryldy.
