Áleýmettik jelide Almatydaǵy Qarǵaly ózenimen aǵyp bara jatqan qubyrlar túsirilgen videolar qyzý talqyǵa tústi, dep habarlaidy Dalanews.kz.
Qoldanýshylar bul kórinisti ázilge ainaldyryp, túrli nusqa usyndy. Biri ony «qubyrlardyń maýsymdyq kóshi-qony» nemese «ýyldyryq shashý kezeńi» dese, endi bireýleri jumysyn aiaqtaǵan qubyrlar «demalysqa bet aldy» dep qaljyńdaǵan.
Bul jaǵdaiǵa qatysty Almaty qalasy ákimdigi resmi túsinikteme berdi. Qalalyq Ekologiia jáne qorshaǵan orta basqarmasynyń tapsyrysy boiynsha Qarǵaly ózeniniń Jandosov kóshesinen Rysqulov dańǵylyna deiingi bóliginde arnany qaita jańǵyrtý jumystary júrgizilip jatqany belgili boldy. Sý burý jáne qurylys-montaj sharalary kezinde ózenge diametri 600 millimetrlik gofrlengen qubyrlar ýaqytsha ornatylǵan.
Ákimdik málimetinshe, birneshe kún buryn ózendegi sý deńgeii kúrt kóterilip, qatty aǵys ýaqytsha bógetterdi buzyp ótken. Sonyń saldarynan ornatylǵan qubyrlardy sý alyp ketken.
«Qazirgi tańda jaǵdai qalypqa keldi jáne turaqty baqylaýda. Aǵynmen ketken gofrlengen qubyrlar merdiger uiymnyń kúshimen ózen arnasynan tolyq shyǵaryldy», – dep habarlady qala ákimdiginde.
