Astana qalasynyń Polısıa departamentinde alaıaqtardyń messendjerlerde jalǵan akkaýnttar quryp, ózderin memlekettik, kvazımemlekettik jáne basqa da iri komersıalyq mekemelerdiń basshylary retinde tanystyryp, adamdardy aldap soǵatynyn aıtty, – dep habarlaıdy Dalanews.kz qala ákimdiginiń resmı saıtyna siltem jasap.

Osylaısha, quqyq qorǵaý organdarynyń atynan uıymdardyń qyzmetkerlerine syrttan tekserý júrgiziletini týraly habarlanady.

– Alaıaqtyq shemaǵa sáıkes, olar ózderin UQK qyzmetkerleri retinde tanystyryp, olardyń banktik shottary arqyly terorıstik uıymdardy qarjylandyrý faktisi anyqtalǵanyn habarlaıdy, sodan keıin qorqytý arqyly aqshany bank shottaryna aýdarýdy nemese qolma-qol aqshany quqyq qorǵaý organdarynyń qyzmetkeriniń qolyna berýdi suraıdy.

Osyǵan baılanysty azamattardan abaı bolýdy, belgisiz abonenttik nómirlermen dıalogqa túspeýdi, sondaı-aq eshbir jaǵdaıda belgisiz banktik shottarǵa aqsha aýdarmaýdy jáne bógde adamdarǵa bermeýdi suraımyz. Barlyq kúdikti faktiler týraly dereý polısıanyń «102» nómirine habarlaýdy suraımyz, – delingen PD habarlamasynda.

Aıta keteıik, bıyl elorda aýmaǵynda 2500-den astam ınternet-alaıaqtyq tirkelip, 505 qylmystyq quqyq buzýshylyq anyqtaldy.

Azamattarǵa keltirilgen zalal 2 mlrd teńgeden asady.