استانا قالاسىنىڭ پوليسيا دەپارتامەنتىندە الاياقتاردىڭ مەسسەندجەرلەردە جالعان اككاۋنتتار قۇرىپ، وزدەرىن مەملەكەتتىك، كۆازيمەملەكەتتىك جانە باسقا دا ءىرى كوممەرسيالىق مەكەمەلەردىڭ باسشىلارى رەتىندە تانىستىرىپ، ادامداردى الداپ سوعاتىنىن ايتتى، – دەپ حابارلايدى Dalanews.kz قالا اكىمدىگىنىڭ رەسمي سايتىنا سىلتەم جاساپ.
وسىلايشا، قۇقىق قورعاۋ ورگاندارىنىڭ اتىنان ۇيىمداردىڭ قىزمەتكەرلەرىنە سىرتتان تەكسەرۋ جۇرگىزىلەتىنى تۋرالى حابارلانادى.
– الاياقتىق سحەماعا سايكەس، ولار وزدەرىن ۇقك قىزمەتكەرلەرى رەتىندە تانىستىرىپ، ولاردىڭ بانكتىك شوتتارى ارقىلى تەرروريستىك ۇيىمداردى قارجىلاندىرۋ فاكتىسى انىقتالعانىن حابارلايدى، سودان كەيىن قورقىتۋ ارقىلى اقشانى بانك شوتتارىنا اۋدارۋدى نەمەسە قولما-قول اقشانى قۇقىق قورعاۋ ورگاندارىنىڭ قىزمەتكەرىنىڭ قولىنا بەرۋدى سۇرايدى.
وسىعان بايلانىستى ازاماتتاردان اباي بولۋدى، بەلگىسىز ابونەنتتىك نومىرلەرمەن ديالوگقا تۇسپەۋدى، سونداي-اق ەشبىر جاعدايدا بەلگىسىز بانكتىك شوتتارعا اقشا اۋدارماۋدى جانە بوگدە ادامدارعا بەرمەۋدى سۇرايمىز. بارلىق كۇدىكتى فاكتىلەر تۋرالى دەرەۋ پوليسيانىڭ «102» نومىرىنە حابارلاۋدى سۇرايمىز، – دەلىنگەن پد حابارلاماسىندا.
ايتا كەتەيىك، بيىل ەلوردا اۋماعىندا 2500-دەن استام ينتەرنەت-الاياقتىق تىركەلىپ، 505 قىلمىستىق قۇقىق بۇزۋشىلىق انىقتالدى.
ازاماتتارعا كەلتىرىلگەن زالال 2 ملرد تەڭگەدەن اسادى.
