Áleýmettik jelide ózbekstandyq Facebook qoldanýshysy Abrar Zohidovtyń qazaqstandyq grossmeister Bibisara Asaýbaeva men ózbekstandyq shahmatshy Javohir Sindorovqa qatysty jazbasy qyzý talqyǵa tústi, dep habarlaidy Dalanews.kz.
Ol shahmatshylardyń birge túsken sýretin jariialap, jazbasyn jeńil ázilmen órbitken.
“Ózbek qyzdary, osyndai jigitti ýystarynan shyǵaryp aldy ma dep qalasyń”, - dep jazǵan ol.
Sonymen qatar jazba avtory Bibisara Asaýbaevanyń jetistigin de atap ótken.
“Ol blits shahmaty boiynsha úsh dúrkin álem chempiony, ári eń jas áiel chempion retinde Ginnestiń rekordtar kitabyna engen”, – dep jazǵan avtor.
Sondai-aq ol Javohir Sindorovtyń da qarymdy shahmatshy ekenin aityp, Bibisaranyń da osal emes ekenin jetkizgen.
Jeli qoldanýshylary bul jazbaǵa ártúrli pikir bildirip jatyr. Biri muny qaljyń retinde qabyldasa, endi biri mundai jeke sipattaǵy pikirlerdi orynsyz ekenin alǵa tartqan.
