الەۋمەتتىك جەلىدە وزبەكستاندىق Facebook قولدانۋشىسى ابرار زوحيدوۆتىڭ قازاقستاندىق گروسسمەيستەر ءبيبىسارا اساۋبايەۆا مەن وزبەكستاندىق شاحماتشى جاۆوحير سيندوروۆقا قاتىستى جازباسى قىزۋ تالقىعا ءتۇستى، دەپ حابارلايدى Dalanews.kz.
ول شاحماتشىلاردىڭ بىرگە تۇسكەن سۋرەتىن جاريالاپ، جازباسىن جەڭىل ازىلمەن وربىتكەن.
“وزبەك قىزدارى، وسىنداي جىگىتتى ۋىستارىنان شىعارىپ الدى ما دەپ قالاسىڭ”، - دەپ جازعان ول.
سونىمەن قاتار جازبا اۆتورى ءبيبىسارا اساۋبايەۆانىڭ جەتىستىگىن دە اتاپ وتكەن.
“ول بليس شاحماتى بويىنشا ءۇش دۇركىن الەم چەمپيونى، ءارى ەڭ جاس ايەل چەمپيون رەتىندە گيننەستىڭ رەكوردتار كىتابىنا ەنگەن”، – دەپ جازعان اۆتور.
سونداي-اق ول جاۆوحير سيندوروۆتىڭ دا قارىمدى شاحماتشى ەكەنىن ايتىپ، ءبيبىسارانىڭ دا وسال ەمەس ەكەنىن جەتكىزگەن.
جەلى قولدانۋشىلارى بۇل جازباعا ءارتۇرلى پىكىر ءبىلدىرىپ جاتىر. ءبىرى مۇنى قالجىڭ رەتىندە قابىلداسا، ەندى ءبىرى مۇنداي جەكە سيپاتتاعى پىكىرلەردى ورىنسىز ەكەنىن العا تارتقان.
