Premer-ministrge joldaǵan depýtattyq saýalynda Bapi Parijde de qanjyǵamyz mailanbai ma degen qaýip baryn jasyrmady.
Onyń paiymynsha, buǵan yqpal etip otyrǵan jaittyń biri - Ulttyq Olimpiada komitetiniń quramy.
"Qazaqstan Ulttyq Olimpiada komitetiniń prezidenti qyzmetine Timýr Qulybaev kelgennen beri eldiń sporttyq jetistikterimiz quldyrai bastady. Taǵy bir atap óterlik jáit – Timýr Qulybaev kelgeli Ulttyq Olimpiada komitetiniń basshylyǵyna kileń "Eski Qazaqstannyń" ókilderi iriktelip alyndy. Onyń ishinde, bir-birine ainymas quda-jekjattar men milliarder kúieýdiń oligarh-dostary órip júr.
Sonymen qatar Komitetke múshe bolyp sailanýǵa 70 jastyq shekteý belgilengen. Qazirgi múshelerdiń ishinen bul tsenzden asyp ketkender de, kúni erteń tolaiyn dep otyrǵandar da bar. Ulttyq Olimpiada komiteti basqarýshy organynyń osyndai shal-shaýqandar quramymen qandai jeńiske jetýge bolady?" - dedi depýtat.
Ermurat Bapi Timýr Qulybaev Qazaqstannyń eń iri 50 jeke biznesi qataryna kiretin kompaniialardyń aktivterin ielene otyrǵanyn, al bul degenimiz sportty damytýǵa múldem ýaqyty joq degendi bildiretinin ashyq aitty.
"Onyń oiy eldiń munaiyn satyp, qaltasyn toltyrý. Sportty qaitsyn?! ...Parij Olimpiadasy qarsańynda mundai jaǵdaiǵa múldem jol berilmeýi tiis! Ulttyq Olimpiada Komitetine túbegeili ózgerister kerek", - dedi Bapi.
