پرەمەر-مينيسترگە جولداعان دەپۋتاتتىق ساۋالىندا باپي پاريجدە دە قانجىعامىز مايلانباي ما دەگەن قاۋٸپ بارىن جاسىرمادى.
ونىڭ پايىمىنشا, بۇعان ىقپال ەتٸپ وتىرعان جايتتىڭ بٸرٸ - ۇلتتىق وليمپيادا كوميتەتٸنٸڭ قۇرامى.
"قازاقستان ۇلتتىق وليمپيادا كوميتەتٸنٸڭ پرەزيدەنتٸ قىزمەتٸنە تيمۋر قۇلىباەۆ كەلگەننەن بەرٸ ەلدٸڭ سپورتتىق جەتٸستٸكتەرٸمٸز قۇلدىراي باستادى. تاعى بٸر اتاپ ٶتەرلٸك جەيت – تيمۋر قۇلىباەۆ كەلگەلٸ ۇلتتىق وليمپيادا كوميتەتٸنٸڭ باسشىلىعىنا كٸلەڭ "ەسكٸ قازاقستاننىڭ" ٶكٸلدەرٸ ٸرٸكتەلٸپ الىندى. ونىڭ ٸشٸندە, بٸر-بٸرٸنە اينىماس قۇدا-جەكجاتتار مەن ميللياردەر كٷيەۋدٸڭ وليگارح-دوستارى ٶرٸپ جٷر.
سونىمەن قاتار كوميتەتكە مٷشە بولىپ سايلانۋعا 70 جاستىق شەكتەۋ بەلگٸلەنگەن. قازٸرگٸ مٷشەلەردٸڭ ٸشٸنەن بۇل تسەنزدەن اسىپ كەتكەندەر دە, كٷنٸ ەرتەڭ تولايىن دەپ وتىرعاندار دا بار. ۇلتتىق وليمپيادا كوميتەتٸ باسقارۋشى ورگانىنىڭ وسىنداي شال-شاۋقاندار قۇرامىمەن قانداي جەڭٸسكە جەتۋگە بولادى?" - دەدٸ دەپۋتات.
ەرمۇرات باپي تيمۋر قۇلىباەۆ قازاقستاننىڭ ەڭ ٸرٸ 50 جەكە بيزنەسٸ قاتارىنا كٸرەتٸن كومپانييالاردىڭ اكتيۆتەرٸن يەلەنە وتىرعانىن, ال بۇل دەگەنٸمٸز سپورتتى دامىتۋعا مٷلدەم ۋاقىتى جوق دەگەندٸ بٸلدٸرەتٸنٸن اشىق ايتتى.
"ونىڭ ويى ەلدٸڭ مۇنايىن ساتىپ, قالتاسىن تولتىرۋ. سپورتتى قايتسىن?! ...پاريج وليمپياداسى قارساڭىندا مۇنداي جاعدايعا مٷلدەم جول بەرٸلمەۋٸ تيٸس! ۇلتتىق وليمپيادا كوميتەتٸنە تٷبەگەيلٸ ٶزگەرٸستەر كەرەك", - دەدٸ باپي.
