Otqa oranǵan avtobýstan 17 adamdy qutqarǵan azamat marapattaldy
Baiyrǵy órt sóndirýshi sol kúni Almatyǵa shildehana toiyna saparlap bara jatqan. Jambyl oblysynyń aýmaǵynan óte bergende, kenetten avtobýs pen aýyr júk kóligi qarama-qarsy soqtyǵysyp, qoǵamdyq kólik otqa oranady. Antyna adal el aǵasy óz ómirine tóngen qaýipke qaramai, qyzyl jalynnyń ishinde qalyp qoiǵan adamdardy birtindep dalaǵa alyp shyǵady.
Tipti lapyldap janyp jatqan kóliktiń ishinen alyp shyqqan jaralylardy avtobýstan múmkindiginshe alys jerge aparyp, keibirin jolshybai ótken kólikterge mingizip aýrýhanaǵa jóneltken.
Tek ókinishtisi, úsh baýyry osy janyp jatqan avtobýstyń ishinde qalyp qoiǵan. Beibit kúnniń batyry 7 jyldan keiin «Erligi úshin» tósbelgisin keýdesine taqty.
– Apat bolǵanda, buryn istemegen, kórmegen adam ózgelerdi ala almaidy, tipti qarai almaidy. Qolymnan kelgenshe qol ushymdy tigizdim. Avtobýstyń aldy janyp jatqan soń, artqy jaǵyna kirip, adamdardy shyǵardym. Eń sońnda Nazergen qaryndasymdy alyp shyqtym. Úsh jaqynymdy sol jerden alyp shyǵa almai qaldym. Ókinishim sol boldy, – deidi baiyrǵy qutqarýshy Dáýlet Baiqabylov.
Derekkózi: 24.kz/kz
