وتقا ورانعان اۆتوبۋستان 17 ادامدى قۇتقارعان ازامات ماراپاتتالدى
بايىرعى ٶرت سٶندٸرۋشٸ سول كٷنٸ الماتىعا شٸلدەحانا تويىنا ساپارلاپ بارا جاتقان. جامبىل وبلىسىنىڭ اۋماعىنان ٶتە بەرگەندە, كەنەتتەن اۆتوبۋس پەن اۋىر جٷك كٶلٸگٸ قاراما-قارسى سوقتىعىسىپ, قوعامدىق كٶلٸك وتقا ورانادى. انتىنا ادال ەل اعاسى ٶز ٶمٸرٸنە تٶنگەن قاۋٸپكە قاراماي, قىزىل جالىننىڭ ٸشٸندە قالىپ قويعان ادامداردى بٸرتٸندەپ دالاعا الىپ شىعادى.
تٸپتٸ لاپىلداپ جانىپ جاتقان كٶلٸكتٸڭ ٸشٸنەن الىپ شىققان جارالىلاردى اۆتوبۋستان مٷمكٸندٸگٸنشە الىس جەرگە اپارىپ, كەيبٸرٸن جولشىباي ٶتكەن كٶلٸكتەرگە مٸنگٸزٸپ اۋرۋحاناعا جٶنەلتكەن.
تەك ٶكٸنٸشتٸسٸ, ٷش باۋىرى وسى جانىپ جاتقان اۆتوبۋستىڭ ٸشٸندە قالىپ قويعان. بەيبٸت كٷننٸڭ باتىرى 7 جىلدان كەيٸن «ەرلٸگٸ ٷشٸن» تٶسبەلگٸسٸن كەۋدەسٸنە تاقتى.
– اپات بولعاندا, بۇرىن ٸستەمەگەن, كٶرمەگەن ادام ٶزگەلەردٸ الا المايدى, تٸپتٸ قاراي المايدى. قولىمنان كەلگەنشە قول ۇشىمدى تيگٸزدٸم. اۆتوبۋستىڭ الدى جانىپ جاتقان سوڭ, ارتقى جاعىنا كٸرٸپ, ادامداردى شىعاردىم. ەڭ سوڭندا نازەرگەن قارىنداسىمدى الىپ شىقتىم. ٷش جاقىنىمدى سول جەردەن الىپ شىعا الماي قالدىم. ٶكٸنٸشٸم سول بولدى, – دەيدٸ بايىرعى قۇتقارۋشى دەۋلەت بايقابىلوۆ.
دەرەككٶزٸ: 24.kz/kz
