Otyrarda toǵan aryqtar betondalyp jatyr

Dalanews 15 qyr. 2021 08:28 633

Túrkistan oblysy, Otyrar aýdanynyń Aqtóbe aýyldyq okrýgi aýmaǵyndaǵy R-1 kanaly kúrdeli jóndeýden ótkizilýde. Ótken jyly qolǵa alynǵan qurylys jumystary Túrkistan oblystyq aýyl sharýashylyǵy basqarmasynyń tapsyrysymen júzege asqan, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Búginde qurylys jumystary kestege saı júrip jatyr. Atalmysh sý arnasynyń jalpy uzyndyǵy 22 shaqyrymdy quraıdy.

Jóndeý josparyna sáıkes mańyzdy kanaldyń 11 shaqyrymy beton jabyndysymen qaptalýy tıis bolsa, qazirgi josparǵa sáıkes sý ótkizgish júıeniń 7 shaqyrymy jóndelgen. Búginde tıisti jumystar óz jalǵasyn tabýda.

Nátıjesinde, talaı jyldardan beri egistikke qajetti aǵyn sý tapshylyǵyn sezinip, jerleri sortań tartqan aımaq sharýalarynyń máselesi sheshiledi. Sonymen birge, 3410 gektar jerdiń sý alý múmkinshiligi artyp 170 gektar jer jańadan aınalymǵa qosylady.



Munan bólek, «Kazsýshar» mekemesiniń teńgerimindegi Kólaryq, Maıaqum, Sýmaǵar kanaldaryna mehanıkalyq tazartý, Kóksaraı, Esirkep, Kólaryq, Maıaqum, Sheńgeldi jáne Aqkól kanaldarynyń saǵasyn ashý, D.Altynbekov kanalynyń PK-41-diń sý shaıǵan dambasyn qalpyna keltirý jumystary júrgizildi.

Usynylǵan
Sońǵy jańalyqtar