Búginde qurylys jumystary kestege sai júrip jatyr. Atalmysh sý arnasynyń jalpy uzyndyǵy 22 shaqyrymdy quraidy.
Jóndeý josparyna sáikes mańyzdy kanaldyń 11 shaqyrymy beton jabyndysymen qaptalýy tiis bolsa, qazirgi josparǵa sáikes sý ótkizgish júieniń 7 shaqyrymy jóndelgen. Búginde tiisti jumystar óz jalǵasyn tabýda.
Nátijesinde, talai jyldardan beri egistikke qajetti aǵyn sý tapshylyǵyn sezinip, jerleri sortań tartqan aimaq sharýalarynyń máselesi sheshiledi. Sonymen birge, 3410 gektar jerdiń sý alý múmkinshiligi artyp 170 gektar jer jańadan ainalymǵa qosylady.
Munan bólek, «Kazsýshar» mekemesiniń teńgerimindegi Kólaryq, Maiaqum, Sýmaǵar kanaldaryna mehanikalyq tazartý, Kóksarai, Esirkep, Kólaryq, Maiaqum, Sheńgeldi jáne Aqkól kanaldarynyń saǵasyn ashý, D.Altynbekov kanalynyń PK-41-diń sý shaiǵan dambasyn qalpyna keltirý jumystary júrgizildi.
