بۇگىندە قۇرىلىس جۇمىستارى كەستەگە ساي ءجۇرىپ جاتىر. اتالمىش سۋ ارناسىنىڭ جالپى ۇزىندىعى 22 شاقىرىمدى قۇرايدى.
جوندەۋ جوسپارىنا سايكەس ماڭىزدى كانالدىڭ 11 شاقىرىمى بەتون جابىندىسىمەن قاپتالۋى ءتيىس بولسا، قازىرگى جوسپارعا سايكەس سۋ وتكىزگىش جۇيەنىڭ 7 شاقىرىمى جوندەلگەن. بۇگىندە ءتيىستى جۇمىستار ءوز جالعاسىن تابۋدا.
ناتيجەسىندە، تالاي جىلداردان بەرى ەگىستىككە قاجەتتى اعىن سۋ تاپشىلىعىن سەزىنىپ، جەرلەرى سورتاڭ تارتقان ايماق شارۋالارىنىڭ ماسەلەسى شەشىلەدى. سونىمەن بىرگە، 3410 گەكتار جەردىڭ سۋ الۋ مۇمكىنشىلىگى ارتىپ 170 گەكتار جەر جاڭادان اينالىمعا قوسىلادى.
مۇنان بولەك، «كازسۋشار» مەكەمەسىنىڭ تەڭگەرىمىندەگى كولارىق، ماياقۇم، سۋماعار كانالدارىنا مەحانيكالىق تازارتۋ، كوكساراي، ەسىركەپ، كولارىق، ماياقۇم، شەڭگەلدى جانە اقكول كانالدارىنىڭ ساعاسىن اشۋ، د.التىنبەكوۆ كانالىنىڭ پك-41ء-دىڭ سۋ شايعان دامباسىن قالپىنا كەلتىرۋ جۇمىستارى جۇرگىزىلدى.
