Ár otbasynda atap ótýge turarlyq elimiz úshin mańyzy zor merekede aýdan turǵyndarynyń qaltasyna aýyrlyq salmaı, merekelik dastarhanǵa qoıylatyn azyq-túliktermen aýylsharýashylyq ónimderin bazar baǵasynan tómen baǵada kópshilikke usynyp, merekeni kóterińki kóńil-kúımen atap ótý maqsatynda ótken shara tutynýshylardyń kóńilinen shyqty.
Jármeńkeni turǵyndarmen birge aýdan ákimi Erlan Aıtahanov ta aralap, turǵyndar men kásipkerlerdi egemen elimizdiń mereıli merekesimen quttyqtady.
Jármeńkede aýdan turǵyndaryna et, sút ónimderi men kartop, sábiz, pıaz, oramjapyraq sıaqty kókónis túrleri naryqtan 15-20 paıyz tómen baǵamen saýdalandy. Sonymen qatar jármeńkege aýylsharýashylyǵy ónimderin tereń óńdeý arqasynda oblys kóleminde alǵashqylardyń qatarynda tutynýshylarǵa baǵyttalǵan daıyn qaptalǵan ónimder de shyǵaryldy. Solardyń qatarynda Otyrardyń brendine aınalyp úlgergen «Maıaqum» men «Otyrar» shubattary, tarysy men talqany, baldaı tátti qaýynnan daıydalǵan «qaýyn qaq», «qaýynqurt» ónimderine suranys joǵary boldy.
– Ákimdik tarapynan osyndaı jármeńke aldaǵy Jańa jyl merekesi qarsańynda da uıymdastyrylatyn bolady, – dedi aýdan basshysy aralaý barysynda.
Otyrar aýdany ákiminiń baspasóz qyzmeti
