ەر وتباسىندا اتاپ ٶتۋگە تۇرارلىق ەلٸمٸز ٷشٸن ماڭىزى زور مەرەكەدە اۋدان تۇرعىندارىنىڭ قالتاسىنا اۋىرلىق سالماي, مەرەكەلٸك داستارحانعا قويىلاتىن ازىق-تٷلٸكتەرمەن اۋىلشارۋاشىلىق ٶنٸمدەرٸن بازار باعاسىنان تٶمەن باعادا كٶپشٸلٸككە ۇسىنىپ, مەرەكەنٸ كٶتەرٸڭكٸ كٶڭٸل-كٷيمەن اتاپ ٶتۋ ماقساتىندا ٶتكەن شارا تۇتىنۋشىلاردىڭ كٶڭٸلٸنەن شىقتى.
جەرمەڭكەنٸ تۇرعىندارمەن بٸرگە اۋدان ەكٸمٸ ەرلان ايتاحانوۆ تا ارالاپ, تۇرعىندار مەن كەسٸپكەرلەردٸ ەگەمەن ەلٸمٸزدٸڭ مەرەيلٸ مەرەكەسٸمەن قۇتتىقتادى.
جەرمەڭكەدە اۋدان تۇرعىندارىنا ەت, سٷت ٶنٸمدەرٸ مەن كارتوپ, سەبٸز, پيياز, ورامجاپىراق سيياقتى كٶكٶنٸس تٷرلەرٸ نارىقتان 15-20 پايىز تٶمەن باعامەن ساۋدالاندى. سونىمەن قاتار جەرمەڭكەگە اۋىلشارۋاشىلىعى ٶنٸمدەرٸن تەرەڭ ٶڭدەۋ ارقاسىندا وبلىس كٶلەمٸندە العاشقىلاردىڭ قاتارىندا تۇتىنۋشىلارعا باعىتتالعان دايىن قاپتالعان ٶنٸمدەر دە شىعارىلدى. سولاردىڭ قاتارىندا وتىراردىڭ برەندٸنە اينالىپ ٷلگەرگەن «ماياقۇم» مەن «وتىرار» شۇباتتارى, تارىسى مەن تالقانى, بالداي تەتتٸ قاۋىننان دايىدالعان «قاۋىن قاق», «قاۋىنقۇرت» ٶنٸمدەرٸنە سۇرانىس جوعارى بولدى.
– ەكٸمدٸك تاراپىنان وسىنداي جەرمەڭكە الداعى جاڭا جىل مەرەكەسٸ قارساڭىندا دا ۇيىمداستىرىلاتىن بولادى, – دەدٸ اۋدان باسشىسى ارالاۋ بارىسىندا.
وتىرار اۋدانى ەكٸمٸنٸڭ باسپاسٶز قىزمەتٸ
