Ekinshi jahan soǵysynda el qorǵany bolǵan batyrlardyń dańqyn áıgileıtin «Máńgilik alaý». Shynymen de, beıbit kúndi jaqyndatqan maıdangerlerdiń mazdaǵy óshpek emes. Óıtkeni sanasy sergek urpaq bar. Olar búgin de jyldaǵy ádetten jańylmaı "Dańq" memorıalynyń qasynan tabylyp, babalaryn eske alyp shyraq jaqty, dep habarlaıdy Dalanews.kz tilshisi.
Bul keshtegi án men áýen, teatrlandyrylǵan qoıylym — bári de, sol bir qıly zamandy, zulmat jyldardy kóz aldymyzǵa ákelgendeı boldy. Sonymen birge búgingi beıbit kúnniń baǵasy artyp, mártebesi asqaqtaı túskendeı. Sirá da, adam janyna barabar bir asyl bolsa, ol - bostandyq, ol - beıbitshilik.

Aksıaǵa qatysýshylardyń arasyndaǵy belsendi top - jastar da osyndaı oı túıgen bolar. 
Dástúrli aksıany Óskemen qalasynyń ákimi Jaqsylyq Omar bastap berdi. Osydan keıin kópshilik tegis umtylyp, jeti myńnan astam shyraq jaqty.