ەكىنشى جاھان سوعىسىندا ەل قورعانى بولعان باتىرلاردىڭ داڭقىن ايگىلەيتىن «ماڭگىلىك الاۋ». شىنىمەن دە، بەيبىت كۇندى جاقىنداتقان مايدانگەرلەردىڭ مازداعى وشپەك ەمەس. ويتكەنى ساناسى سەرگەك ۇرپاق بار. ولار بۇگىن دە جىلداعى ادەتتەن جاڭىلماي "داڭق" مەموريالىنىڭ قاسىنان تابىلىپ، بابالارىن ەسكە الىپ شىراق جاقتى، دەپ حابارلايدى Dalanews.kz ءتىلشىسى.
بۇل كەشتەگى ءان مەن اۋەن، تەاترلاندىرىلعان قويىلىم — ءبارى دە، سول ءبىر قيلى زاماندى، زۇلمات جىلداردى كوز الدىمىزعا اكەلگەندەي بولدى. سونىمەن بىرگە بۇگىنگى بەيبىت كۇننىڭ باعاسى ارتىپ، مارتەبەسى اسقاقتاي تۇسكەندەي. ءسىرا دا، ادام جانىنا بارابار ءبىر اسىل بولسا، ول - بوستاندىق، ول - بەيبىتشىلىك.
اكسياعا قاتىسۋشىلاردىڭ اراسىنداعى بەلسەندى توپ - جاستار دا وسىنداي وي تۇيگەن بولار.
ءداستۇرلى اكسيانى وسكەمەن قالاسىنىڭ اكىمى جاقسىلىق ومار باستاپ بەردى. وسىدان كەيىن كوپشىلىك تەگىس ۇمتىلىپ، جەتى مىڭنان استام شىراق جاقتى.
