رەسەيدٸڭ پەنزا وبلىسىنداعى كامەن اۋدانىنىڭ باسشىسى الەكساندر پوموگايبو تەجٸك وتباسىمەن بولعان جانجالدان كەيٸن سوت شەشٸمٸمەن 100 مىڭ رۋبل ايىپپۇل تٶلەۋگە مٸندەتتەلدٸ. شەنەۋنٸك كامەنكا قالاسىنىڭ تەجٸك ۇلتىنان شىققان تۇرعىنىن قورلادى دەپ تانىلعان. بۇل تۋرالى رەسەيلٸك باق جازدى, دەپ حابارلايدى dalanews.kz.
وقيعا 2025 جىلدىڭ 27 تامىزىندا بولعان. الەكساندر پوموگايبو جەرگٸلٸكتٸ تۇرعىنداردىڭ شاعىمىنان كەيٸن كوسيموۆتار وتباسىنىڭ ٷيٸ ماڭىنداعى قوقىس ٷيٸندٸسٸ مەن زاڭسىز سالىنعان مونشانى تەكسەرۋگە بارعان.
سول كەزدە شەنەۋنٸك ەيەل مەن ونىڭ بالالارىنا ەسكەرتۋ جاساپ:
— قوقىس نەگە سونشا كٶپ? تازالاۋ كەرەك. سەندەر شوشقا مەن توراي سيياقتى ٶمٸر سٷرمەيسٸڭدەر عوي, — دەگەن.
وسىدان كەيٸن ەيەلدٸڭ كٷيەۋٸ داۆلاتمۋرود كوسيموۆ كٶلٸگٸنەن تەمٸر مونتيروۆكا الىپ شىعىپ, اۋدان باسشىسىن سوققىعا جىققان.
سالدارىنان الەكساندر پوموگايبو اشىق باسسٷيەك-مي جاراقاتىمەن, مي شايقالۋىمەن, جاۋىرىن سٷيەگٸنٸڭ سىنۋىمەن جەنە دەنەسٸندەگٸ كٶگەرۋلەرمەن اۋرۋحاناعا تٷسكەن.
كەيٸن داۆلاتمۋرود كوسيموۆ سوت الدىندا جاۋاپ بەرٸپ, 2 جىل كولونييا-قونىس جازاسىنا كەسٸلگەن. سونداي-اق ول جەبٸرلەنۋشٸگە مورالدىق ٶتەماقى رەتٸندە 150 مىڭ رۋبل تٶلەۋگە مٸندەتتەلگەن. رەسەيلٸك باق-تىڭ جازۋىنشا, شەنەۋنٸك سول ٶتەماقىنىڭ ٷشتەن ەكٸ بٶلٸگٸن ٶزٸنە سالىنعان ايىپپۇلدى ٶتەۋگە جۇمساماق.
الەكساندر پوموگايبو ايىپپۇلعا شاعىم تٷسٸرگەنٸمەن, سوت شەشٸمدٸ ٶزگەرٸسسٸز قالدىردى. الايدا ايىپتاۋ تۇجىرىمى جەڭٸلدەتٸلٸپ, «ەدەپسٸز قورلاۋ» بابى «ار-نامىستى قورلايتىن سيپاتتاعى سٶزدەر ايتتى» دەگەن نۇسقاعا اۋىستىرىلعان.
اۋدان باسشىسى «مۋنيتسيپالدىق قىزمەت اتقاراتىن تۇلعانىڭ قورلاۋى» بويىنشا ەكٸمشٸلٸك جاۋاپكەرشٸلٸككە تارتىلعان. ال ونى سوققىعا جىققان كوسيموۆقا باستاپقىدا «بيلٸك ٶكٸلٸنە كٷش قولدانۋ» بابى بويىنشا ٸس قوزعالىپ, وعان 5 جىلعا دەيٸن باس بوستاندىعىنان ايىرۋ قاۋپٸ تٶنگەن. كەيٸن بۇل ايىپ «قارۋ قولدانا وتىرىپ, دەنساۋلىققا ورتاشا اۋىرلىقتاعى قاساقانا زييان كەلتٸرۋ» بابىنا اۋىستىرىلعان.
