Reseidiń Penza oblysyndaǵy Kamen aýdanynyń basshysy Aleksandr Pomogaibo tájik otbasymen bolǵan janjaldan keiin sot sheshimimen 100 myń rýbl aiyppul tóleýge mindetteldi. Sheneýnik Kamenka qalasynyń tájik ultynan shyqqan turǵynyn qorlady dep tanylǵan. Bul týraly reseilik BAQ jazdy, dep habarlaidy dalanews.kz.
Oqiǵa 2025 jyldyń 27 tamyzynda bolǵan. Aleksandr Pomogaibo jergilikti turǵyndardyń shaǵymynan keiin Kosimovtar otbasynyń úii mańyndaǵy qoqys úiindisi men zańsyz salynǵan monshany tekserýge barǵan.
Sol kezde sheneýnik áiel men onyń balalaryna eskertý jasap:
— Qoqys nege sonsha kóp? Tazalaý kerek. Sender shoshqa men torai siiaqty ómir súrmeisińder ǵoi, — degen.
Osydan keiin áieldiń kúieýi Davlatmýrod Kosimov kóliginen temir montirovka alyp shyǵyp, aýdan basshysyn soqqyǵa jyqqan.
Saldarynan Aleksandr Pomogaibo ashyq bassúiek-mi jaraqatymen, mi shaiqalýymen, jaýyryn súieginiń synýymen jáne denesindegi kógerýlermen aýrýhanaǵa túsken.
Keiin Davlatmýrod Kosimov sot aldynda jaýap berip, 2 jyl koloniia-qonys jazasyna kesilgen. Sondai-aq ol jábirlenýshige moraldyq ótemaqy retinde 150 myń rýbl tóleýge mindettelgen. Reseilik BAQ-tyń jazýynsha, sheneýnik sol ótemaqynyń úshten eki bóligin ózine salynǵan aiyppuldy óteýge jumsamaq.
Aleksandr Pomogaibo aiyppulǵa shaǵym túsirgenimen, sot sheshimdi ózgerissiz qaldyrdy. Alaida aiyptaý tujyrymy jeńildetilip, «ádepsiz qorlaý» baby «ar-namysty qorlaityn sipattaǵy sózder aitty» degen nusqaǵa aýystyrylǵan.
Aýdan basshysy «mýnitsipaldyq qyzmet atqaratyn tulǵanyń qorlaýy» boiynsha ákimshilik jaýapkershilikke tartylǵan. Al ony soqqyǵa jyqqan Kosimovqa bastapqyda «bilik ókiline kúsh qoldaný» baby boiynsha is qozǵalyp, oǵan 5 jylǵa deiin bas bostandyǵynan aiyrý qaýpi tóngen. Keiin bul aiyp «qarý qoldana otyryp, densaýlyqqa ortasha aýyrlyqtaǵy qasaqana ziian keltirý» babyna aýystyrylǵan.
