قازاقستاندا وتباسىلاردىڭ نەسيە مەن قارىزدى ٶتەۋگە جۇمسايتىن شىعىنى ارتىپ كەلەدٸ. ەسٸرەسە استانا تۇرعىندارى بۇل ماقساتقا الماتىلىقتارعا قاراعاندا بەس ەسە كٶپ قارجى جۇمسايدى, دەپ حابارلايدى dalanews.kz LS باسىلىمىنا سٸلتەمە جاساپ.
2025 جىلدىڭ قورىتىندىسى بويىنشا بٸر ٷي شارۋاشىلىعىنىڭ ورتاشا تابىسى 4,7 ملن تەڭگەنٸ قۇراعان. بۇل ٶتكەن جىلمەن سالىستىرعاندا 7,4%-عا كٶپ. ورتا ەسەپپەن بٸر وتباسىنىڭ اي سايىنعى تابىسى 396,5 مىڭ تەڭگەگە جەتكەن.
الايدا شىعىن كٶلەمٸ بۇدان دا جىلدام ٶسكەن. ۇلتتىق ستاتيستيكا بيۋروسىنىڭ مەلٸمەتٸنشە, بٸر وتباسىنىڭ جىلدىق شىعىنى 8%-عا ارتىپ, 4,2 ملن تەڭگەگە جەتكەن. اي سايىنعى شىعىن كٶلەمٸ شامامەن 352,3 مىڭ تەڭگەنٸ قۇراعان.
وتباسى بيۋدجەتٸنٸڭ جارتىسىنا جۋىعى بۇرىنعىداي ازىق-تٷلٸككە جۇمسالادى. بۇل باعىتتاعى شىعىن جىلىنا ورتا ەسەپپەن 2,2 ملن تەڭگەگە جەتٸپ, 11,2%-عا ٶسكەن.
ازىق-تٷلٸككە ەڭ كٶپ قارجى ماڭعىستاۋ جەنە تٷركٸستان وبلىستارىنىڭ تۇرعىندارى جۇمساعان - ەر ٶڭٸردە شامامەن 2,6 ملن تەڭگە. ۇلىتاۋ وبلىسىندا بۇل كٶرسەتكٸش 2,5 ملن تەڭگە بولعان.
مەگاپوليستەر اراسىندا ازىق-تٷلٸككە ەڭ كٶپ اقشا جۇمسايتىن قالا - الماتى. مۇندا تۇرعىندار جىلىنا 2,4 ملن تەڭگە جۇمساعان. استانادا بۇل كٶرسەتكٸش 2,3 ملن تەڭگە بولسا, شىمكەنتتە 1,9 ملن تەڭگە بولعان.
ازىق-تٷلٸكتەن بٶلەك تاۋارلارعا قازاقستاندىقتار ورتا ەسەپپەن جىلىنا 880,2 مىڭ تەڭگە جۇمساعان. بۇل ٶتكەن جىلمەن سالىستىرعاندا نەبەرٸ 0,5%-عا كٶپ. مۇنداي تاۋارلارعا ەڭ كٶپ قارجى ۇلىتاۋ وبلىسىندا كەتكەن - 1,2 ملن تەڭگە.
ال استانادا ازىق-تٷلٸككە جاتپايتىن تاۋارلارعا كەتەتٸن شىعىن ايتارلىقتاي قىسقارعان. كٶرسەتكٸش بٸردەن 16,3%-عا تٶمەندەپ, 886,9 مىڭ تەڭگەنٸ قۇراعان. بۇل الماتىداعى دەڭگەيدەن تٶمەن. الماتى تۇرعىندارى مۇنداي ساتىپ الۋلارعا 903,1 مىڭ تەڭگە جۇمساعان.
اقىلى قىزمەتتەرگە كەتەتٸن شىعىن دا ارتقان. قازاقستاندىق وتباسىلار بۇل ماقساتقا جىلىنا ورتا ەسەپپەن 785,3 مىڭ تەڭگە جۇمساعان. ەڭ جوعارى كٶرسەتكٸش الماتى مەن استانادا تٸركەلگەن - شامامەن 1,1 ملن تەڭگە. قاراعاندى وبلىسىندا اقىلى قىزمەتتەرگە 904,6 مىڭ تەڭگە كەتكەن.
ساراپشىلار وتباسى بيۋدجەتٸنە تٷسەتٸن نەگٸزگٸ سالماقتىڭ بٸرٸ نەسيە تٶلەمدەرٸ ەكەنٸن اتاپ ٶتەدٸ. قازاقستان بويىنشا قارىز بەن نەسيەنٸ ٶتەۋگە ورتا ەسەپپەن جىلىنا 275,5 مىڭ تەڭگە جۇمسالعان.
الايدا ۇلىتاۋ وبلىسىندا بۇل كٶرسەتكٸش رەسپۋبليكا بويىنشا ورتاشا دەڭگەيدەن بٸرنەشە ەسە جوعارى بولعان. ٶڭٸر تۇرعىندارى جىلىنا شامامەن 1 ملن تەڭگەنٸ نەسيە تٶلەمدەرٸنە جۇمساعان. بۇل ەلدەگٸ ورتاشا كٶرسەتكٸشتەن 3,7 ەسە كٶپ.
نەسيە تٶلەمدەرٸنٸڭ جوعارى كٶلەمٸ قىزىلوردا وبلىسىندا دا بايقالعان - 536,7 مىڭ تەڭگە. قاراعاندى وبلىسىندا بۇل كٶرسەتكٸش 518,8 مىڭ تەڭگە بولعان.
ٸرٸ قالالاردا نەسيەگە كەتەتٸن شىعىن كەيبٸر ٶڭٸرلەرمەن سالىستىرعاندا تٶمەن بولعانىمەن, استاناداعى كٶرسەتكٸش ەل بويىنشا ەڭ جوعارى دەڭگەيگە جاقىن. ەلوردا تۇرعىندارى جىلىنا ورتا ەسەپپەن 460,2 مىڭ تەڭگەنٸ قارىز جابۋعا جۇمساعان.
ال الماتىدا نەسيە مەن قارىزدى ٶتەۋگە نەبەرٸ 87,4 مىڭ تەڭگە كەتكەن. شىمكەنتتە بۇل كٶرسەتكٸش ودان دا تٶمەن - 55,9 مىڭ تەڭگە.
ايتا كەتەيٸك, زەرتتەۋ 11,7 مىڭنان استام ٷي شارۋاشىلىعىن قامتىعان ٸرٸكتەمەلٸ ساۋالناما نەگٸزٸندە جٷرگٸزٸلگەن.
