Qazaqstan Úkimeti qosymsha qun salyǵyn (QQS) tóleýshiler qataryn arttyrýǵa nietti. Bul týraly vitse-premer – ulttyq ekonomika ministri Serik Jumanǵarin Úkimettiń keńeitilgen otyrysynan keiin ótken baspasóz máslihatynda málimdedi, dep habarlaidy Dalanews.kz.
Jumanǵarinniń aitýynsha, elimizde 2,3 million salyq tóleýshi tirkelgen bolsa, olardyń 137 700-i ǵana QQS boiynsha esepke turǵan. Al naqty salyq aýdarymyn júzege asyratyndar sany – bar bolǵany 88 myń, iaǵni jalpy salyq tóleýshilerdiń 4 paiyzy ǵana.
Ministr mundai jaǵdaidyń negizgi sebebi QQS-ti tirkeýde qoldanylyp júrgen joǵary shek (78 mln teńge) ekenin aitady. Ózge eldermen salystyrsaq, mundai shek degen nárse joq nemese tómen bolyp keledi.
Osy sebepti Úkimet QQS shegin 15 million teńgege deiin tómendetýdi usynady. Vitse-premerdiń aitýynsha, ShOB-tyń 80%-y 15 million teńgege deiingi ainalymmen jumys isteidi. Sondyqtan biznestiń osy 80,7%-yn qamtymai, biraq 300 myńǵa jýyq jańa QQS tóleýshi tartý úshin atalǵan shekti tómendetýdi usynalady.
Ekinshi shara bólshek salyqqa negizdelgen arnaiy salyq rejimine qatysty.
"Bul rejim bastapqyda bólshek saýdamen ainalysatyn bizneske qolaily bolý úshin jasalǵan. Ol ainalymnan qosymsha mindettemesiz 4% tólemdi qarastyrady. Alaida ýaqyt óte kele bul rejim shekten tys yryqtandyrylyp ketti. Keiin oǵan óńdeý ónerkásibi, qurylys-montaj jumystaryn júrgizetinder jáne bólshek saýdaǵa jatpaityn basqa da qyzmet túrleri engizilgen. Sol sebepti biz OKED tizimin edáýir qysqartýdy josparlap otyrmyz", – dep túsindirdi Jumanǵarin.
Qoryta kelgende, osy eki negizgi qadam – QQS shegin tómendetý jáne bólshek salyqty naqty maqsatty topqa qaitarý – Qazaqstandaǵy salyq tóleýshilerdiń bazasyn keńeitýge, biýdjet kirisin arttyrýǵa jáne jalpy salyq saiasatyn ońtailandyrýǵa yqpal etedi.
Eń bastysy, vitse-premer ósirilmek qosymsha qun salyǵynyń naqty mólsherlemesin 15-20 aqpanǵa deiin anyqtaý josparlanyp otyrǵanyn jetkizdi.
Buǵan deiin Úkimettiń keńeitilgen otyrysynda premer-ministr Oljas Bektenov qosymsha qun salyǵy mólsherlemesin kóterý kerek dep sanaitynyn jariia etken. Onyń aitýynsha, osylaisha Eńbekaqy tóleý qoryna túsetin júktemeni kúrt azaitýǵa bolady. Sondai-aq vitse-premer-ulttyq ekonomika ministri Serik Jumanǵarin QQS shegin qazirgi 78 mln teńgeden 15 mln teńgege deiin tómendetýdi usyndy.QQS ósken jaǵdaida úkimet jumys berýshiniń aýdarýy tiis áleýmettik salyǵy men mindetti zeinetaqy jarnalaryn joiýy múmkin. Bul Eńbekaqy qoryna túsetin júktemeni 10-30%-a tómendetedi dep kútiledi. "Al mundaida bul shyǵyndardy biýdjet óz moinyna ala alady", - dep atap ótti vitse-premer Serik Jumanǵarin.Prezident Qasym-Jomart Toqaev Úkimettiń qosymsha qun salyǵy (QQS) kólemin arttyrý týraly usynysyn qoldady. Memleket basshysynyń aitýynsha, bul rette reforma kerek. Al sarapshylar qaýymynyń biri parasy bul bastamaǵa narazy.
