Ortalyq Aziianyń jiyntyq ishki jalpy óniminiń shamamen 60 paiyzy jáne aimaqqa shetelden tikelei tartylatyn investitsiianyń 70 paiyzǵa jýyǵy Qazaqstanǵa tiesili, dep habarlaidy dalanews.kz.
Bul týraly Memleket basshysy "Ortalyq Aziia – Koreia Respýblikasy" biznes-sammitinde aitty.
"Ortalyq Aziianyń ekonomikalyq damýy men órkendeýine elimizdiń qosqan eleýli úlesin osy kórsetkishten ańǵarýǵa bolady. Sapar aiasynda eki el arasynda somasy 19 milliard dollarǵa jýyqtaityn 80-dei kommertsiialyq kelisimge qol qoiyldy. Bul – qurǵaq málimdeme nemese qazirgi tilmen aitqanda, qaǵaz júzinde qalatyn mámile emes, iske asatyn naqty josparlar. Qalai bolǵanda da Úkimet biznes-jobalardyń ýaqtyly oryndalýyn jiti qadaǵalaidy. Qazaqstan Úkimeti birlesken jobalardy óz deńgeiinde júzege asyrý úshin korei kásipkerlerine jan-jaqty qoldaý kórsetedi. Ol úshin Qazaqstan men Koreianyń saýda-ekonomikalyq jáne investitsiialyq yntymaqtastyǵynyń 2027-2030 jyldarǵa arnalǵan keshendi baǵdarlamasy ázirlenedi. Biz investitsiialyq ahýaldy dáiekti túrde jaqsartyp, sheteldik investorlarǵa barynsha qolaily jaǵdai jasap kelemiz. Elimizde biznes bastaýǵa nietti investorlarǵa artyqshylyqtar usynatyn Altyn Visa baǵdarlamasynyń engizilýi – mańyzdy qadamnyń biri. Korei kásipkerleri, jalpy korei biznesi osy artyqshylyqtardy belsendi túrde paidalanady dep oilaimyn", – dedi Qasym-Jomart Toqaev.
