Almaty oblysynda órt ornyna ýaqtyly jetpegen qutqarýshylar 12 mln teńge ótemaqy tóleidi, dep habarlaidy Dalanews.kz.
Sotta anyqtalǵandai, 2023 jyldyń mamyrynda saǵat 17:30 shamasynda Eltai aýylynyń turǵyny órt sóndirý bólimine telefon soǵyp, úiine jaqyn aýmaqta kepken shóptiń órtenip jatqany týraly habarlaǵan. Órt sóndirýshiler qońyraýǵa mán bermegen. Órt ornyna ákimdik ókili baryp, jergilikti turǵyndarmen birge qoldan jasalǵan quraldarmen órtti sóndirýge árekettengen.
Órt sóndirý qyzmeti oqiǵa ornyna tek 22:40-ta baryp, óz jumystaryna kirisken. Saldarynan turǵyn úi órtenip, aýyl turǵynyna 11,9 mln teńge materialdyq shyǵyn keltirilgen, – delingen is materialynda.
Osyǵan bailanysty úidiń iesi Eltai aýyldyq okrýgi ákimi apparatynyń jáne órt sóndirý qyzmetiniń órt kezindegi áreketsizdigin zańsyz dep taný jáne keltirilgen materialdyq shyǵyndy óteýdi talap etip sotqa júgingen.
MAÁS-y órt sóndirý qyzmetiniń áreketsizdigin zańsyz dep tanyp, keltirilgen materialdyq shyǵyndy 11,9 million teńgeni óteýge mindettedi. Órt sóndirý qyzmeti bul sheshimge shaǵym túsirdi.
Almaty oblystyq soty is materialdaryn zerdelei kele, birinshi satydaǵy sottyń sheshimi zańdy jáne negizdi degen qorytyndyǵa keldi. Is boiynsha úkim ózgerissiz qaldyryldy.
