Byltyr Túrkistan oblysynyń 58 aýyldyq eldi meken turǵyndary ınternetke kedergisiz qosylýǵa múmkindik alǵan bolatyn. Bıyl da osy jumystar jalǵasyn tapty. Kúni keshe ǵana Ordabasy aýdanyndaǵy josparlanǵan 22 aýyldyń 11-ine “Ksell” AQ basshylyǵymen kelisim shart júrgizildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Qazirgi tańda, Ordabasy aýdanyndaǵy Sarytoǵaı jáne Arystandy aýyldarynda, Otyrar aýdanyndaǵy Temir, Talapty jáne Bestoranǵy aýyldarynda, Maqtaaral aýdanyndaǵy Shuǵyla jáne Elqonys aýyldarynda, Tólebı aýdanyndaǵy Shatyrtóbe jáne Kostóbe aýyldarynda, Báıdibek aýdanyndaǵy Tańatar aýylynda jáne Kentaýdaǵy Bershintóbe aýylynda ınternet júıesi tolqyndaryn qabyldaıtyn antena dińgegi qurylǵylaryn ornatý úshin arnaıy jer telimderin daıyndaý jumystary bastaldy.

Kúzde osy eldimeken turǵyndaryna ınternet qoljetimdi bolady dep josparlanyp otyr. Qalǵan 11 aýylǵa da kcell.kz basshylyǵy jyl sońyna deıin ınternet jelisin qosýdy josparlaýda.