Oralda "Talpyn" múmkindikter alańy" atty shara ótti, – dep habarlaidy Dalanews.kz
Sharaǵa oblys ákimi Nariman Tóreǵaliev qatysyp, jármeńkeniń mańyzyn atap ótti.
"Halyqtyń ál-aýqatyn kóterý, olardy jumyspen qamtý jáne áleýmettik qorǵaý - árqashanda qoǵamdaǵy ózekti másele. Ásirese, azamattarymyzdyń jumysqa ornalasýyna memleket tarapynan qoldaý bildirý - Memleket basshysynyń basty nazarynda. Biz osy rette, óńir turǵyndaryn jumysqa ornalastyrý men memlekettik baǵdarlamalardyń igilikterin túsindirý maqsatynda "Talpyn" múmkindikter alańy sharasyn uiymdastyryp otyrmyz",- dedi oblys ákimi.
"Bos jumys oryndary jármeńkesine" 79 jumys berýshi qatysyp, 1282 bos jumys ornyn usyndy.
Olardyń qatarynda: KPO, «Kýblei», «Uniserv», «Zenit» zaýyty sekildi iri mekemeler men jeke kásipkerler jáne memlekettik mekemeler bar.
Sonymen qatar, Jumysshy mamandyqtary jyly aiasynda oblys kóleminde jyl basynan qazirgi ýaqytqa deiin 22 bos jumys oryndary jármenkesi uiymdastyrylyp, oǵan 368 jumys berýshi qatysty.
Nátijesinde 118 jumys izdeýshi turaqty jumys oryndaryna ornalasty.
«Aýyl Amanaty» baǵdarlamasy men «Bir aýyl bir ónim» jobalaryna ónimderi saýda-sattyq alańynda qoiylyp, satyldy.
Talpyn jobasy – eńbekke qabiletti azamattardyń áleýetin arttyryp, óńir damýyna serpin beretin úlken qadam.
