ورالدا "Talpyn" مۇمكىندىكتەر الاڭى" اتتى شارا ءوتتى، – دەپ حابارلايدى Dalanews.kz

شاراعا وبلىس اكىمى ناريمان تورەعالييەۆ قاتىسىپ، جارمەڭكەنىڭ ماڭىزىن اتاپ ءوتتى.

"حالىقتىڭ ءال-اۋقاتىن كوتەرۋ، ولاردى جۇمىسپەن قامتۋ جانە الەۋمەتتىك قورعاۋ - ءارقاشاندا قوعامداعى وزەكتى ماسەلە. اسىرەسە، ازاماتتارىمىزدىڭ جۇمىسقا ورنالاسۋىنا مەملەكەت تاراپىنان قولداۋ ءبىلدىرۋ - مەملەكەت باسشىسىنىڭ باستى نازارىندا. ءبىز وسى رەتتە، ءوڭىر تۇرعىندارىن جۇمىسقا ورنالاستىرۋ مەن مەملەكەتتىك باعدارلامالاردىڭ يگىلىكتەرىن ءتۇسىندىرۋ ماقساتىندا "Talpyn" مۇمكىندىكتەر الاڭى شاراسىن ۇيىمداستىرىپ وتىرمىز"،- دەدى وبلىس اكىمى.

"بوس جۇمىس ورىندارى جارمەڭكەسىنە" 79 جۇمىس بەرۋشى قاتىسىپ، 1282 بوس جۇمىس ورنىن ۇسىندى.

ولاردىڭ قاتارىندا: كپو، «كۋبلەي»، «Uniserv»، «زەنيت» زاۋىتى سەكىلدى ءىرى مەكەمەلەر مەن جەكە كاسىپكەرلەر جانە مەملەكەتتىك مەكەمەلەر بار.

سونىمەن قاتار، جۇمىسشى ماماندىقتارى جىلى اياسىندا وبلىس كولەمىندە جىل باسىنان قازىرگى ۋاقىتقا دەيىن  22 بوس جۇمىس ورىندارى جارمەنكەسى ۇيىمداستىرىلىپ، وعان 368 جۇمىس بەرۋشى قاتىستى.

ناتيجەسىندە  118 جۇمىس ىزدەۋشى تۇراقتى جۇمىس ورىندارىنا ورنالاستى.

«اۋىل اماناتى» باعدارلاماسى مەن «ءبىر اۋىل ءبىر ءونىم» جوبالارىنا ونىمدەرى ساۋدا-ساتتىق الاڭىندا قويىلىپ، ساتىلدى.

تالپىن جوباسى – ەڭبەككە قابىلەتتى ازاماتتاردىڭ الەۋەتىن ارتتىرىپ، ءوڭىر دامۋىنا سەرپىن بەرەتىن ۇلكەن قادام.