Aqtóbe oblysynda sabaq ústinde bosanǵan 14 jastaǵy qyzdyń isi boiynsha sot úkimi shyqty, dep habarlaidy Dalanews.kz "Jetinshi arnaǵa" siltep.
Oqýshy alpystan asqan ógei naǵashy atasynan júkti bolyp qalǵan. Keiinirek politsiia qylmystyq is qozǵap, kúdikti qamaýǵa alyndy. Balalardyń quqyǵyn qorǵaý komiteti de jaǵdaidy baqylaýǵa aldy.
14 jastaǵy qyzdyń aiaǵy aýyr ekenin týystary da, mektep muǵalimderi de bilmegen. Sot úkimimen kúdikti 21 jylǵa bas bostandyǵynan aiyryldy.
"Qylmystyq kodekstiń 58-baby 4-bóligi negizinde qylmystyq quqyqbuzýshylyqtar jiyntyǵy boiynsha túpkilikti pedagogikalyq laýazymdardy jáne kámeletke tolmaǵandarmen jumys isteýge bailanysty laýazymdardy atqarý quqyǵynan ómir boiyna aiyra otyryp, 21 jylǵa bas bostandyǵynan aiyrý jazasy taǵaiyndalsyn. Jazasyn qylmystyq atqarý júiesiniń ortasha qaýipsizdik mekemesinde ótesin", - dedi mamandandyrylǵan aýdanaralyq sottyń sýdiasy Altynbek Sabyrov.
