اقتٶبە وبلىسىندا ساباق ٷستٸندە بوسانعان 14 جاستاعى قىزدىڭ ٸسٸ بويىنشا سوت ٷكٸمٸ شىقتى, دەپ حابارلايدى Dalanews.kz "جەتٸنشٸ ارناعا" سٸلتەپ.
وقۋشى الپىستان اسقان ٶگەي ناعاشى اتاسىنان جٷكتٸ بولىپ قالعان. كەيٸنٸرەك پوليتسييا قىلمىستىق ٸس قوزعاپ, كٷدٸكتٸ قاماۋعا الىندى. بالالاردىڭ قۇقىعىن قورعاۋ كوميتەتٸ دە جاعدايدى باقىلاۋعا الدى.
14 جاستاعى قىزدىڭ اياعى اۋىر ەكەنٸن تۋىستارى دا, مەكتەپ مۇعالٸمدەرٸ دە بٸلمەگەن. سوت ٷكٸمٸمەن كٷدٸكتٸ 21 جىلعا باس بوستاندىعىنان ايىرىلدى.
"قىلمىستىق كودەكستٸڭ 58-بابى 4-بٶلٸگٸ نەگٸزٸندە قىلمىستىق قۇقىقبۇزۋشىلىقتار جيىنتىعى بويىنشا تٷپكٸلٸكتٸ پەداگوگيكالىق لاۋازىمداردى جەنە كەمەلەتكە تولماعاندارمەن جۇمىس ٸستەۋگە بايلانىستى لاۋازىمداردى اتقارۋ قۇقىعىنان ٶمٸر بويىنا ايىرا وتىرىپ, 21 جىلعا باس بوستاندىعىنان ايىرۋ جازاسى تاعايىندالسىن. جازاسىن قىلمىستىق اتقارۋ جٷيەسٸنٸڭ ورتاشا قاۋٸپسٸزدٸك مەكەمەسٸندە ٶتەسٸن", - دەدٸ مامانداندىرىلعان اۋدانارالىق سوتتىڭ سۋدياسى التىنبەك سابىروۆ.
