Túrkistan oblysynda tanystaryn oqýǵa túsirip beremin dep aldaǵan áıeldiń isi sotqa ótti, – dep habarlaıdy Dalanews.kz.

Kentaý qalasynda krımınaldyq polısıa qyzmetkerleri jedel-izdestirý jumystary kezinde alaıaqtyq jasady degen kúdikpen jergilikti turǵyndy qolǵa túsirdi.

Belgili bolǵandaı, kúdikti áıel tanysyn oqýǵa túsirip beremin dep senimine kirip, alaıaqtyq jolmen 600 myń teńgesin alǵan.

Alaıda qansha ýaqyt ótse de, ýádesin oryndamaı, alǵan aqshany jeke bas paıdasyna jaratyp jibergen. Tártip saqshylary kúdikke ilingen áıeldiń budan bólek dál osyndaı alaıaqtyqqa qatysty eki jaıtyn anyqtady.

Jábirlenýshilerge 3 mln teńgeden astam shyǵyn keltirilgen. Qazirgi tańda kúdikti qamaýda, is sotqa ótti.