تۇركىستان وبلىسىندا تانىستارىن وقۋعا ءتۇسىرىپ بەرەمىن دەپ الداعان ايەلدىڭ ءىسى سوتقا ءوتتى، – دەپ حابارلايدى Dalanews.kz.
كەنتاۋ قالاسىندا كريمينالدىق پوليسيا قىزمەتكەرلەرى جەدەل-ىزدەستىرۋ جۇمىستارى كەزىندە الاياقتىق جاسادى دەگەن كۇدىكپەن جەرگىلىكتى تۇرعىندى قولعا ءتۇسىردى.
بەلگىلى بولعانداي، كۇدىكتى ايەل تانىسىن وقۋعا ءتۇسىرىپ بەرەمىن دەپ سەنىمىنە كىرىپ، الاياقتىق جولمەن 600 مىڭ تەڭگەسىن العان.
الايدا قانشا ۋاقىت وتسە دە، ۋادەسىن ورىنداماي، العان اقشانى جەكە باس پايداسىنا جاراتىپ جىبەرگەن. ءتارتىپ ساقشىلارى كۇدىككە ىلىنگەن ايەلدىڭ بۇدان بولەك ءدال وسىنداي الاياقتىققا قاتىستى ەكى جايتىن انىقتادى.
جابىرلەنۋشىلەرگە 3 ملن تەڭگەدەن استام شىعىن كەلتىرىلگەن. قازىرگى تاڭدا كۇدىكتى قاماۋدا، ءىس سوتقا ءوتتى.
