Odan bólek, konkýrstyń jeńimpazdary Astanada ótkiziletin respýblikalyq «Qazaqstannyń úzdik taýary» kórme-konkýrsyna qatysýǵa joldama aldy.
«Zerde-Keramika», «Hamit» AÓK, «Bal Tekstil» JShS, «ArtSapaly qurylys» JShS, «Madlen» JShS men jeke kásipker «Qudaibergenov» kompaniialary jeńimpazdar qatarynan kórindi.
Aita keteiik, sarapshy komissiia ókilderi ekspozitsiialardyń barlyǵyn qarap, baiqaý qatysýshylaryn 3 atalym − «Halyq úshin úzdik taýar», «Óndiristik baǵyttaǵy úzdik taýar» jáne «Úzdik azyq-túliktik taýar» nominatsiialary boiynsha anyqtaǵan bolatyn. Konkýrsqa qatysýshylardy baqylaý kezinde aldymen taýardyń sapasy men básekege qabilettiligi eskerildi.
Ońtústik Qazaqstannyń taýar óndirýshilerin qoldaý jáne olardy halyqqa keńinen tanystyrýdy maqsat tutqan sharaǵa kúngeide óndiriletin tamaq, farmatsevtika, mashina jasaý, himiia, qurylys salasyna qatysty 200-den astam taýar óndirýshi qatysty.
OQO ákiminiń baspasóz qyzmeti
