Tapsyrylǵan úilerdiń 436,2 myń sharshy metri – kópqabatty bolsa, 284,9 myń sharshy metri – jeke turǵyn úi. Aǵymdaǵy jyly 730 myń sharshy metr turǵyn úidi paidalanýǵa berý josparlanyp otyr. Búgin bul týraly OQO óńirlik kommýnikatsiialar qyzmetinde ótken brifingte oblystyq qurylys basqarmasynyń basshysy Quttybek Jamashev málim etti.
– Biyl oblys aýmaǵynda jalpy respýblikalyq jáne oblystyq biýdjetten baǵyttalǵan 52,5 mlrd. teńgege jalpy 186 investitsiialyq jobanyń qurylysyn iske asyrý josparda. Sondai-aq, ótken jyly jospardaǵy 233 nysannyń 115-i paidalanýǵa berildi. Qalǵan 118 nysan 2018 jylǵa ótpeli. Ulttyq qordan «Nurly jol» memlekettik baǵdarlamasy aiasynda 35 bilim berý nysanynyń qurylysy júrgizilip, jyl qorytyndysymen 20 mektep paidalanýǵa tapsyryldy. Qalǵan 15 mektep 2018 jylǵa ótpeli, – dedi Quttybek Rahmatýllauly.
Budan ózge, ótken jyly oblysta memlekettik biýdjet qarajaty esebinen turǵyn úi qurylysyn aýdandarda júrgizý úshin injenerlik kommýnikatsiialarǵa jalpy somasy 8,9 mlrd. teńgege 21 nysannyń qurylysy júrgizildi. Jyl qorytyndysymen 8 nysan paidalanýǵa tapsyrylǵan.
OQO ákiminiń baspasóz qyzmeti
https://dalanews.kz/33652
