تاپسىرىلعان ۇيلەردىڭ 436،2 مىڭ شارشى مەترى – كوپقاباتتى بولسا، 284،9 مىڭ شارشى مەترى – جەكە تۇرعىن ءۇي. اعىمداعى جىلى 730 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانىپ وتىر. بۇگىن بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە وبلىستىق قۇرىلىس باسقارماسىنىڭ باسشىسى قۇتتىبەك جاماشيەۆ ءمالىم ەتتى.
باسقارما باسشىسىنىڭ ايتۋىنشا، وتكەن جىلى 233 ينۆەستيسيالىق جوبا ىسكە اسىرىلعان. ولاردىڭ قۇرىلىسىنا ق ر ۇلتتىق قورى، رەسپۋبليكالىق جانە وبلىستىق بيۋدجەت قاراجاتتارى ەسەبىنەن 66،4 ملرد. تەڭگە قارالعان بولاتىن. بۇل كورسەتكىش 2016 جىلمەن سالىستىرعاندا 32 پايىزعا ارتىپ وتىر.
– بيىل وبلىس اۋماعىندا جالپى رەسپۋبليكالىق جانە وبلىستىق بيۋدجەتتەن باعىتتالعان 52،5 ملرد. تەڭگەگە جالپى 186 ينۆەستيسيالىق جوبانىڭ قۇرىلىسىن ىسكە اسىرۋ جوسپاردا. سونداي-اق، وتكەن جىلى جوسپارداعى 233 نىساننىڭ 115ء-ى پايدالانۋعا بەرىلدى. قالعان 118 نىسان 2018 جىلعا وتپەلى. ۇلتتىق قوردان «نۇرلى جول» مەملەكەتتىك باعدارلاماسى اياسىندا 35 ءبىلىم بەرۋ نىسانىنىڭ قۇرىلىسى جۇرگىزىلىپ، جىل قورىتىندىسىمەن 20 مەكتەپ پايدالانۋعا تاپسىرىلدى. قالعان 15 مەكتەپ 2018 جىلعا وتپەلى، – دەدى قۇتتىبەك راحماتۋللا ۇلى.
بۇدان وزگە، وتكەن جىلى وبلىستا مەملەكەتتىك بيۋدجەت قاراجاتى ەسەبىنەن تۇرعىن ءۇي قۇرىلىسىن اۋدانداردا جۇرگىزۋ ءۇشىن ينجەنەرلىك كوممۋنيكاسيالارعا جالپى سوماسى 8،9 ملرد. تەڭگەگە 21 نىساننىڭ قۇرىلىسى جۇرگىزىلدى. جىل قورىتىندىسىمەن 8 نىسان پايدالانۋعا تاپسىرىلعان.
وقو اكىمىنىڭ باسپا ءسوز قىزمەتى
https://dalanews.kz/33652
