«Nazarbaev Ziiatkerlik mektepteri» DBBU Basqarma tóraiymy Kúlásh Shamshidinovanyń basty baiandamasy qazirgi bilim berýdiń jańa jaǵdailary men jańa múmkindikterine baǵyttaldy. Sonymen qatar, plenarlyq otyrysta Bilim berý baǵdarlamalary ortalyǵy direktorynyń orynbasary Zýhra Shegenova men Pedagogikalyq ólsheýler ortalyǵynyń direktory Aidana Shilibekovanyń qashyqtan oqytý jaǵdaiynda fýnktsiondaldyq saýattylyq pen baǵalaýǵa júiesin damytýǵa basa nazar aýdarylǵan baiandamalary tyńdaldy. DBBU Qamqorshylyq keńesiniń múshesi Piter Mehistonyń «Birge oqytamyz» taqyrybyndaǵy baiandamasy konferentsiiaǵa qatysýshylardyń úlken qyzyǵýshylyǵyn týdyrdy.
«Qashyqtan oqytý – jańa qalyptylyq» taqyryptyq alańynda kún tártibindegi basym baǵyttar talqylandy: zertteýshilik jáne ádistemelik qoldaý, meditsinalyq-sanitariialyq jáne psihologiialyq súiemeldeý, toptyq ózara árekettesý, qashyqtan oqytý jaǵdaiyndaǵy biohaking. Alǵashqy onlain tamyz konferentsiiasynda qatysýshylardyń pedagogtyń tsifrlyq etiketin ujymdyq taldaýy zańdy boldy.
Ótken jyly alǵash ret engizilgen «Úzdik tájiribeler panoramasy» óz ataýyn tolyqtai aqtai bildi, biyl da onlain kórmede Ziiatkerlik mektepterdiń tájiribesinen alynǵan úzdik keister kórinis tapty.
Tamyz konferentsiiasynyń alty taqyryptyq alańdaǵy jumysy kásibi sheberliktiń tiimdi sabaqtaryna ainaldy. Pán muǵalimderi derbes bilim berý, baǵalaý quraldaryn ázirleý, ata-analarmen yntymaqtastyq ornatý, qolaily jáne qaýipsiz mektep ortasyn qurý jáne ózge de ózekti basymdylyqtar aiasynda bilimderin keńeitti.
Qalyptasqan dástúr boiynsha Ziiatkerlik mektepterdiń muǵalimderi kásibi jetistikteri úshin Bilim jáne ǵylym ministrligi men derbes bilim berý uiymynyń tarapynan marapattarǵa ie boldy.
Tamyz konferentsiiasynyń barlyq baiandamalary men kásibi keisteri búginde Nazarbaev Ziiatkerlik mektepteriniń barsha ǵalamtor platformalarynda qoljetimdi.
