«نازاربايەۆ زياتكەرلىك مەكتەپتەرى» دببۇ باسقارما ءتورايىمى كۇلاش شامشيدينوۆانىڭ باستى بايانداماسى قازىرگى ءبىلىم بەرۋدىڭ جاڭا جاعدايلارى مەن جاڭا مۇمكىندىكتەرىنە باعىتتالدى. سونىمەن قاتار، پلەنارلىق وتىرىستا ءبىلىم بەرۋ باعدارلامالارى ورتالىعى ديرەكتورىنىڭ ورىنباسارى زۋحرا شەگەنوۆا مەن پەداگوگيكالىق ولشەۋلەر ورتالىعىنىڭ ديرەكتورى ايدانا شيليبەكوۆانىڭ قاشىقتان وقىتۋ جاعدايىندا فۋنكسيوندالدىق ساۋاتتىلىق پەن باعالاۋعا جۇيەسىن دامىتۋعا باسا نازار اۋدارىلعان باياندامالارى تىڭدالدى. دببۇ قامقورشىلىق كەڭەسىنىڭ مۇشەسى پيتەر مەحيستونىڭ «بىرگە وقىتامىز» تاقىرىبىنداعى بايانداماسى كونفەرەنسياعا قاتىسۋشىلاردىڭ ۇلكەن قىزىعۋشىلىعىن تۋدىردى.
«قاشىقتان وقىتۋ – جاڭا قالىپتىلىق» تاقىرىپتىق الاڭىندا كۇن تارتىبىندەگى باسىم باعىتتار تالقىلاندى: زەرتتەۋشىلىك جانە ادىستەمەلىك قولداۋ، مەديسينالىق-سانيتاريالىق جانە پسيحولوگيالىق سۇيەمەلدەۋ، توپتىق ءوزارا ارەكەتتەسۋ، قاشىقتان وقىتۋ جاعدايىنداعى بيوحاكينگ. العاشقى ونلاين تامىز كونفەرەنسياسىندا قاتىسۋشىلاردىڭ پەداگوگتىڭ سيفرلىق ەتيكەتىن ۇجىمدىق تالداۋى زاڭدى بولدى.
وتكەن جىلى العاش رەت ەنگىزىلگەن «ۇزدىك تاجىريبەلەر پانوراماسى» ءوز اتاۋىن تولىقتاي اقتاي ءبىلدى، بيىل دا ونلاين كورمەدە زياتكەرلىك مەكتەپتەردىڭ تاجىريبەسىنەن الىنعان ۇزدىك كەيستەر كورىنىس تاپتى.
تامىز كونفەرەنسياسىنىڭ التى تاقىرىپتىق الاڭداعى جۇمىسى كاسىبي شەبەرلىكتىڭ ءتيىمدى ساباقتارىنا اينالدى. ءپان مۇعالىمدەرى دەربەس ءبىلىم بەرۋ، باعالاۋ قۇرالدارىن ازىرلەۋ، اتا-انالارمەن ىنتىماقتاستىق ورناتۋ، قولايلى جانە ءقاۋىپسىز مەكتەپ ورتاسىن قۇرۋ جانە وزگە دە وزەكتى باسىمدىلىقتار اياسىندا بىلىمدەرىن كەڭەيتتى.
قالىپتاسقان ءداستۇر بويىنشا زياتكەرلىك مەكتەپتەردىڭ مۇعالىمدەرى كاسىبي جەتىستىكتەرى ءۇشىن ءبىلىم جانە عىلىم مينيسترلىگى مەن دەربەس ءبىلىم بەرۋ ۇيىمىنىڭ تاراپىنان ماراپاتتارعا يە بولدى.
تامىز كونفەرەنسياسىنىڭ بارلىق باياندامالارى مەن كاسىبي كەيستەرى بۇگىندە نازاربايەۆ زياتكەرلىك مەكتەپتەرىنىڭ بارشا عالامتور پلاتفورمالارىندا قولجەتىمدى.
