Ońtústikte «WorldSkills Kazakhstan - 2018» chempionaty bastaldy
Chempionattyń ashylý saltanatyna oblys ákimi J.Túimebaev, QR Parlamenti Májilisiniń depýtaty Á.Bekturǵanov bastaǵan Májilis depýtattary, «Nur Otan» partiiasynyń Ortalyq apparaty men QR Bilim jáne ǵylym ministrliginiń ókilderi jáne Ózbekstan Respýblikasy men Jambyl, Qyzylorda oblystarynan delegattar, oblystyq máslihattyń depýtattary syndy 500-den astam adam qatysty. Bilim saiysynyń qatysýshylaryna sáttilik tilegen oblys ákimi búginde elimizde tehnikalyq-kásiptik mamandardy daiarlaýǵa úlken mán berilip otyrǵanyn atap ótti.
– Búgingi tańda elimizde indýstrialdy innovatsiialyq damý baǵdarlamasy iske asyrylýda. Ony júzege asyrý úshin jańa úlgidegi óndiristik jelilerin ashý jáne joǵary bilikti sheber mamandardy qalyptastyrý talaby qoiyldy. Sondyqtan da Memleket basshysy Nursultan Ábishuly Nazarbaev elimizde bilim berýdi damytý, sonyń ishinde tehnikalyq-kásiptik mamandardy daiarlaýǵa úlken mán berip otyr. «Qazaqstan – 2050» strategiiasynyń negizgi basym mindeti eldiń indýstriialyq-innovatsiialyq damý suranystaryn eskere otyryp, básekege qabiletti kadrlardy daiarlaý bolyp tabylady. Oblystaǵy tehnikalyq jáne kásiptik bilim salasynda Elbasymyzdyń «Bes áleýmettik bastamasy» aiasynda aýqymdy sharalar qabyldanyp jáne 2017 jylǵy qyrkúiekten bastap «Barshaǵa tegin kásiptik-tehnikalyq bilim» jobasy júzege asyrylýda, – dedi J.Túimebaev.
Saltanatty sharaǵa qatysýshy qonaqtar sonymen qatar, stýdentter jasaǵan aýylsharýashylyq tehnikalarynan uiymdastyrylǵan jáne shyǵarmashylyq-innovatsiialyq jobalyq kórmelermen tanysty.
Óńiraralyq chempionatqa Qyzylorda, Jambyl, Ońtústik Qazaqstan oblystarynyń kolledjderinen 123 stýdent qatysýda. Tórt kún boiyna jalǵasatyn bilim jarysynda qatysýshylar injenerlik, santehnika jáne jylytý, veb-dizain, elektrmontaj, kirpish qalaý, qurǵaq qurylys jáne sylaq jumystary, keskindeme jáne sándik jumystar, mobildi robototehnika syndy 30 mamandyq boiynsha baqtaryn synamaq.
Tehnikalyq jáne kásiptik bilim mekemeleri stýdentteriniń arasynda ótkiziletin «WORLDSKILLS KAZAKHSTAN - 2018» óńiraralyq chempionatynyń jeńimpazdaryna oblystyq bilim basqarmasynyń I, II jáne III dárejeli diplomdary men medalder tapsyrylatyn bolady. Jarystyń jeńimpazdary 2018 jyly maýsym aiynda Astana qalasynda ótetin Ulttyq Chempionatqa qatysatyn bolady.
Eske salsaq, byltyrǵy jyly ótken «WorldSkills Kazahstan -2017» Ulttyq chempionatynda oblysymyzdan 9 quzyrettilik boiynsha qatysqan stýdentterdiń 1-i altyn medal, 5-i kúmis medal ielense, al jeńil ónerkásip jáne servis kolledjiniń stýdenti Ulybritaniia, Japoniia, Qytai, TMD elderi qatysqan «WorldSkills Rossia - 2017» halyqaralyq chempionatynda III oryndy jeńip alǵan bolatyn.
Aita keteiik, Ońtústik Qazaqstan oblysynda 2017-2018 oqý jylynda 94 (43 memlekettik, 51 jekemenshik) tehnikalyq jáne kásiptik bilim berý uiymdarynda 74176 stýdent bilim alýda. Onyń ishinde 34592 stýdent memlekettik tapsyryspen oqidy.
OQO ákiminiń baspasóz qyzmeti
https://dalanews.kz/25304
