چەمپيوناتتىڭ اشىلۋ سالتاناتىنا وبلىس اكىمى ج.تۇيمەبايەۆ، ق ر پارلامەنتى ءماجىلىسىنىڭ دەپۋتاتى ءا.بەكتۇرعانوۆ باستاعان ءماجىلىس دەپۋتاتتارى، «نۇر وتان» پارتياسىنىڭ ورتالىق اپپاراتى مەن ق ر ءبىلىم جانە عىلىم مينيسترلىگىنىڭ وكىلدەرى جانە وزبەكستان رەسپۋبليكاسى مەن جامبىل، قىزىلوردا وبلىستارىنان دەلەگاتتار، وبلىستىق ءماسليحاتتىڭ دەپۋتاتتارى سىندى 500-دەن استام ادام قاتىستى. ءبىلىم سايىسىنىڭ قاتىسۋشىلارىنا ساتتىلىك تىلەگەن وبلىس اكىمى بۇگىندە ەلىمىزدە تەحنيكالىق-كاسىپتىك مامانداردى دايارلاۋعا ۇلكەن ءمان بەرىلىپ وتىرعانىن اتاپ ءوتتى.
– بۇگىنگى تاڭدا ەلىمىزدە يندۋستريالدى يننوۆاسيالىق دامۋ باعدارلاماسى ىسكە اسىرىلۋدا. ونى جۇزەگە اسىرۋ ءۇشىن جاڭا ۇلگىدەگى وندىرىستىك جەلىلەرىن اشۋ جانە جوعارى بىلىكتى شەبەر مامانداردى قالىپتاستىرۋ تالابى قويىلدى. سوندىقتان دا مەملەكەت باسشىسى نۇرسۇلتان ءابىش ۇلى نازاربايەۆ ەلىمىزدە ءبىلىم بەرۋدى دامىتۋ، سونىڭ ىشىندە تەحنيكالىق-كاسىپتىك مامانداردى دايارلاۋعا ۇلكەن ءمان بەرىپ وتىر. «قازاقستان – 2050» ستراتەگياسىنىڭ نەگىزگى باسىم مىندەتى ەلدىڭ يندۋستريالىق-يننوۆاسيالىق دامۋ سۇرانىستارىن ەسكەرە وتىرىپ، باسەكەگە قابىلەتتى كادرلاردى دايارلاۋ بولىپ تابىلادى. وبلىستاعى تەحنيكالىق جانە كاسىپتىك ءبىلىم سالاسىندا ەلباسىمىزدىڭ «بەس الەۋمەتتىك باستاماسى» اياسىندا اۋقىمدى شارالار قابىلدانىپ جانە 2017 جىلعى قىركۇيەكتەن باستاپ «بارشاعا تەگىن كاسىپتىك-تەحنيكالىق ءبىلىم» جوباسى جۇزەگە اسىرىلۋدا، – دەدى ج.تۇيمەبايەۆ.
سالتاناتتى شاراعا قاتىسۋشى قوناقتار سونىمەن قاتار، ستۋدەنتتەر جاساعان اۋىلشارۋاشىلىق تەحنيكالارىنان ۇيىمداستىرىلعان جانە شىعارماشىلىق-يننوۆاسيالىق جوبالىق كورمەلەرمەن تانىستى.
ءوڭىرارالىق چەمپيوناتقا قىزىلوردا، جامبىل، وڭتۇستىك قازاقستان وبلىستارىنىڭ كوللەدجدەرىنەن 123 ستۋدەنت قاتىسۋدا. ءتورت كۇن بويىنا جالعاساتىن ءبىلىم جارىسىندا قاتىسۋشىلار ينجەنەرلىك، سانتەحنيكا جانە جىلىتۋ، ۆەب-ديزاين، ەلەكترمونتاج، كىرپىش قالاۋ، قۇرعاق قۇرىلىس جانە سىلاق جۇمىستارى، كەسكىندەمە جانە ساندىك جۇمىستار، ءموبيلدى روبوتوتەحنيكا سىندى 30 ماماندىق بويىنشا باقتارىن سىناماق.
تەحنيكالىق جانە كاسىپتىك ءبىلىم مەكەمەلەرى ستۋدەنتتەرىنىڭ اراسىندا وتكىزىلەتىن «WORLDSKILLS KAZAKHSTAN - 2018» ءوڭىرارالىق چەمپيوناتىنىڭ جەڭىمپازدارىنا وبلىستىق ءبىلىم باسقارماسىنىڭ ءى، ءىى جانە ءىىى دارەجەلى ديپلومدارى مەن مەدالدەر تاپسىرىلاتىن بولادى. جارىستىڭ جەڭىمپازدارى 2018 جىلى ماۋسىم ايىندا استانا قالاسىندا وتەتىن ۇلتتىق چەمپيوناتقا قاتىساتىن بولادى.
ەسكە سالساق، بىلتىرعى جىلى وتكەن «WorldSkills Kazahstan -2017» ۇلتتىق چەمپيوناتىندا وبلىسىمىزدان 9 قۇزىرەتتىلىك بويىنشا قاتىسقان ستۋدەنتتەردىڭ 1ء-ى التىن مەدال، 5ء-ى كۇمىس مەدال يەلەنسە، ال جەڭىل ونەركاسىپ جانە سەرۆيس كوللەدجىنىڭ ستۋدەنتى ۇلىبريتانيا، جاپونيا، جۇڭگو، تمد ەلدەرى قاتىسقان «WorldSkills Rossia - 2017» حالىقارالىق چەمپيوناتىندا ءىىى ورىندى جەڭىپ العان بولاتىن.
ايتا كەتەيىك، وڭتۇستىك قازاقستان وبلىسىندا 2017-2018 وقۋ جىلىندا 94 (43 مەملەكەتتىك، 51 جەكەمەنشىك) تەحنيكالىق جانە كاسىپتىك ءبىلىم بەرۋ ۇيىمدارىندا 74176 ستۋدەنت ءبىلىم الۋدا. ونىڭ ىشىندە 34592 ستۋدەنت مەملەكەتتىك تاپسىرىسپەن وقيدى.
وقو اكىمىنىڭ باسپا ءسوز قىزمەتى
https://dalanews.kz/25304
