Ońtústikte 64 myńnan astam adam jumyspen qamtylady
Darhan Amangeldiulynyń aitýynsha, baǵdarlamany nasihattaý maqsatynda eki aqparattyq top qurylyp, aýdan, qalalarda 700-ge jýyq azamattyń qatysýymen 15 seminar ótkizilgen. Túsindirý jumystaryna aýyl ákimderi, jumyspen qamtý salasy mamandary jáne múddeli memlekettik organdardyń ókilderi qatysqan.
Atalǵan baǵdarlamanyń iske asyrý merzimi 2017 - 2021 jyldary, negizgi maqsaty - halyqty nátijeli jumyspen qamtýǵa járdemdesý jáne azamattardy kásipkerlikke tartý. Baǵdarlama 3 baǵyttan turady jáne olardyń ákimshileri belgilengen.
Birinshi baǵyt-«Baǵdarlamaǵa qatysýshylardy tehnikalyq jáne qysqa merzimdi kásiptik oqýmen qamtamasyz etý».
«Bul baǵdarlamany oblystyq bilim men jumyspen qamtý jáne áleýmettik baǵdarlamalar basqarmasy úilestirýi tiis. 2017 jyly 11437 adamdy oqytýǵa 2894,1 mln. teńge baǵyttalyp otyr», - dedi Darhan Amangeldiuly.
Aita keteiik, baǵdarlama aiasynda 2,5 jyl ishinde tehnikalyq jáne kásiptik bilimmen 4584 adam qamtylatyn bolady. Sondai-aq, 6853 adam merzimdi kásiptik oqytýǵa tartylady.
Ekinshi baǵyt - «Jappai kásipkerlikti damytý». Bul baǵytta 1440 adamdy kásipkerlik negizderge oqytý kózdelip otyr. Budan bólek, 2075 adam shaǵyn nesiege qol jetkizbek. Jalpy, osy baǵytpen 3515 adamdy jumyspen qamtý kózdelip, 8065,0 mln.teńge qarastyrylyp otyr.
Úshinshi baǵyty – «Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý». Osy baǵytpen 49 362 adamdy eńbekpen qamtylmaq. Bul maqsatqa 2162,3 mln. teńge qaralǵan. Jospar boiynsha turaqty jáne ýaqytsha jumyspen 35198 adam qamtylatyn bolady. 2017 jylǵa oblystyq jumyspen qamtýdyń keshendi jospary bekitilip, barlyǵy 64 314 adam jumysqa ornalaspaq. Oǵan respýblikalyq biýdjetten 13121,4 mln.teńge bólingen.
Nátijesinde 2017 jyly oblysymyzdaǵy jumyssyzdyq deńgeii 5,3 paiyzdan aspaidy. Negizgi, orta, jalpy jáne bastýysh bilimi bar eńbek resýrstarynyń úlesi 27 paiyzdy qurasa, ózin-ózi jumyspen qamtyǵan turǵyndardyń úlesin 5,6 paiyzǵa jetkizý josparlanyp otyr.
