وڭتٷستٸكتە 64 مىڭنان استام ادام جۇمىسپەن قامتىلادى
دارحان امانگەلدٸۇلىنىڭ ايتۋىنشا, باعدارلامانى ناسيحاتتاۋ ماقساتىندا ەكٸ اقپاراتتىق توپ قۇرىلىپ, اۋدان, قالالاردا 700-گە جۋىق ازاماتتىڭ قاتىسۋىمەن 15 سەمينار ٶتكٸزٸلگەن. تٷسٸندٸرۋ جۇمىستارىنا اۋىل ەكٸمدەرٸ, جۇمىسپەن قامتۋ سالاسى ماماندارى جەنە مٷددەلٸ مەملەكەتتٸك ورگانداردىڭ ٶكٸلدەرٸ قاتىسقان.
اتالعان باعدارلامانىڭ ٸسكە اسىرۋ مەرزٸمٸ 2017 - 2021 جىلدارى, نەگٸزگٸ ماقساتى - حالىقتى نەتيجەلٸ جۇمىسپەن قامتۋعا جەردەمدەسۋ جەنە ازاماتتاردى كەسٸپكەرلٸككە تارتۋ. باعدارلاما 3 باعىتتان تۇرادى جەنە ولاردىڭ ەكٸمشٸلەرٸ بەلگٸلەنگەن.
بٸرٸنشٸ باعىت-«باعدارلاماعا قاتىسۋشىلاردى تەحنيكالىق جەنە قىسقا مەرزٸمدٸ كەسٸپتٸك وقۋمەن قامتاماسىز ەتۋ».
«بۇل باعدارلامانى وبلىستىق بٸلٸم مەن جۇمىسپەن قامتۋ جەنە ەلەۋمەتتٸك باعدارلامالار باسقارماسى ٷيلەستٸرۋٸ تيٸس. 2017 جىلى 11437 ادامدى وقىتۋعا 2894,1 ملن. تەڭگە باعىتتالىپ وتىر», - دەدٸ دارحان امانگەلدٸۇلى.
ايتا كەتەيٸك, باعدارلاما اياسىندا 2,5 جىل ٸشٸندە تەحنيكالىق جەنە كەسٸپتٸك بٸلٸممەن 4584 ادام قامتىلاتىن بولادى. سونداي-اق, 6853 ادام مەرزٸمدٸ كەسٸپتٸك وقىتۋعا تارتىلادى.
ەكٸنشٸ باعىت - «جاپپاي كەسٸپكەرلٸكتٸ دامىتۋ». بۇل باعىتتا 1440 ادامدى كەسٸپكەرلٸك نەگٸزدەرگە وقىتۋ كٶزدەلٸپ وتىر. بۇدان بٶلەك, 2075 ادام شاعىن نەسيەگە قول جەتكٸزبەك. جالپى, وسى باعىتپەن 3515 ادامدى جۇمىسپەن قامتۋ كٶزدەلٸپ, 8065,0 ملن.تەڭگە قاراستىرىلىپ وتىر.
ٷشٸنشٸ باعىتى – «حالىقتى جۇمىسپەن قامتۋعا جەردەمدەسۋ جەنە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ». وسى باعىتپەن 49 362 ادامدى ەڭبەكپەن قامتىلماق. بۇل ماقساتقا 2162,3 ملن. تەڭگە قارالعان. جوسپار بويىنشا تۇراقتى جەنە ۋاقىتشا جۇمىسپەن 35198 ادام قامتىلاتىن بولادى. 2017 جىلعا وبلىستىق جۇمىسپەن قامتۋدىڭ كەشەندٸ جوسپارى بەكٸتٸلٸپ, بارلىعى 64 314 ادام جۇمىسقا ورنالاسپاق. وعان رەسپۋبليكالىق بيۋدجەتتەن 13121,4 ملن.تەڭگە بٶلٸنگەن.
نەتيجەسٸندە 2017 جىلى وبلىسىمىزداعى جۇمىسسىزدىق دەڭگەيٸ 5,3 پايىزدان اسپايدى. نەگٸزگٸ, ورتا, جالپى جەنە باستۋىش بٸلٸمٸ بار ەڭبەك رەسۋرستارىنىڭ ٷلەسٸ 27 پايىزدى قۇراسا, ٶزٸن-ٶزٸ جۇمىسپەن قامتىعان تۇرعىنداردىڭ ٷلەسٸن 5,6 پايىزعا جەتكٸزۋ جوسپارلانىپ وتىر.
